金港海鮮酒家 (已結業)

其實呢間酒樓都食過兩三次，但近期一次質素真係差左好多！我多數係早茶時段去，叫左都幾多野食，有叉燒飽、排骨飯、珍珠雞等等。叉燒包都正正常常，入面都算多汁，唔會話好乾，但排骨飯太濕，唔好食，排骨又得兩三舊，比之前食既整得求其左！最難食係珍珠雞！入面無咩材料咁，得啲肉碎，好濕，食落去又酸酸地，好似變左味咁！因為其他人食哂既關係所以無換到，但我下次都唔會再叫珍珠雞，免得再中伏😂 其實應該話唔會再去呢間酒樓飲早茶，對佢好失望！