德美壽司

营业中

休息中

端午节一大班人去食中午饭。一去到见到成地垃圾，个心都打个凸🤮，几个侍应个个掂行掂过，完全无人理。由于我坐中间位又揹背囊，枱和枱之间的位又好窄，唔可以挂个背囊系椅，唯有系椅底拎个黑胶箱出嚟放袋。但我望咗几个，全部都好污浊🤮。箱底报满食物碎，有几旧毛球，箱顶边位全部生晒渍，都唔知几耐无做清洁🤮。初头干纸巾都抹唔到，我喷咗好多消毒水用咗２张纸巾系度抹🤮。抹抹下有客入，侍应话我顶住人，跟住帮我抹，又倒转倒返晒啲垃圾碎出嚟。最终我系极度不愿意的情况下使用咗个箱。到上菜时，每人一碗面鼓汤、一杯蒸蛋。正当我想拎面鼓汤时，忽然望到有几只半透明蚤咁的嘢系个盖度围圈赛跑🤮。我即时讲咗句有蚤，有侍应眼望望但无人理。跟住我系度边拍片边讲，同行人叫我换过碗，其间几个侍应身边行来行去，但一直到我拍完片叫人先有人处理。👎🏻👎之后食任何嘢我都好小心咁望咗先食落肚，成餐饭已影响晒心情。加上午餐定食大部份都系刺身饭，寿司定食选择不多，里面的寿司款式亦唔吸引。咁的价钱，环境卫生极差，大把地方好过呢度。