影片
更多
2020-12-26
111 浏览
今日去北角行山，之后落春秧街买𩠌。途经马宝道，见到有间叫「北角煮饭仔」嘅熟食店 ， 橱窗入面放满了一盘盘𩠌菜，原来店舖主要卖双𩠌饭， 另外亦有净𩠌、点心、小食、台式炸物等供应。见啲𩠌菜款式都几多，而且价钱亦非常经济，几十蚊已经有交易，一于买几款返屋企，唔使洗洗切切，干手净脚，好过自己煮。拣咗两个双拼𩠌、台式鸡扒、盐酥鸡，仲有是日靓汤。台式鸡扒同盐酥鸡，大大盒，每款都只系 $20，十分抵食。鸡扒非常大块，比手掌还要长，虽然扐到返屋企先至食，但外皮仍然有点脆口，调味粉亦够晒香浓。盐酥鸡食味亦不俗，鸡肉嫩口不柴。两款双拼𩠌，分别为：马蹄蒸肉饼、香煎杂鱼、咕噜鱼块、凉瓜牛肉。平日自己喺屋企都钟意整下咸蛋蒸肉饼或者梅菜蒸肉饼，呢度嘅肉饼落咗马蹄更正，食落爽滑又唔会嚡口。香煎杂鱼：留家抗疫自己煮，间唔中都会用杂鱼煲鱼汤，但原来用豉油封煎一样咁好味，不过就要小心食，因为有啲细骨。咕噜鱼块：鱼块外层炸得颇香脆，里面嘅鱼肉好厚身，入口酸酸甜甜，配料有菠萝、蕃茄同青椒，用嚟拌饭吃一流！另外个凉瓜牛肉，味道亦很不错，凉瓜入口甘而不涩，牛肉炒得鲜嫩入味。食完饭饮埋个靓汤，是日靓汤为：合掌瓜汤，睇下几足料，汤水
今日去北角行山，之后落春秧街买𩠌。途经马宝道，见到有间叫「北角煮饭仔」嘅熟食店 ， 橱窗入面放满了一盘盘𩠌菜，原来店舖主要卖双𩠌饭， 另外亦有净𩠌、点心、小食、台式炸物等供应。
见啲𩠌菜款式都几多，而且价钱亦非常经济，几十蚊已经有交易，一于买几款返屋企，唔使洗洗切切，干手净脚，好过自己煮。
拣咗两个双拼𩠌、台式鸡扒、盐酥鸡，仲有是日靓汤。
台式鸡扒同盐酥鸡，大大盒，每款都只系 $20，十分抵食。鸡扒非常大块，比手掌还要长，虽然扐到返屋企先至食，但外皮仍然有点脆口，调味粉亦够晒香浓。盐酥鸡食味亦不俗，鸡肉嫩口不柴。
两款双拼𩠌，分别为：马蹄蒸肉饼、香煎杂鱼、咕噜鱼块、凉瓜牛肉。平日自己喺屋企都钟意整下咸蛋蒸肉饼或者梅菜蒸肉饼，呢度嘅肉饼落咗马蹄更正，食落爽滑又唔会嚡口。
香煎杂鱼：留家抗疫自己煮，间唔中都会用杂鱼煲鱼汤，但原来用豉油封煎一样咁好味，不过就要小心食，因为有啲细骨。
咕噜鱼块：鱼块外层炸得颇香脆，里面嘅鱼肉好厚身，入口酸酸甜甜，配料有菠萝、蕃茄同青椒，用嚟拌饭吃一流！另外个凉瓜牛肉，味道亦很不错，凉瓜入口甘而不涩，牛肉炒得鲜嫩入味。
食完饭饮埋个靓汤，是日靓汤为：合掌瓜汤，睇下几足料，汤水味道非常清甜，滋润之余更能提升免疫力，啱晒呢啲天气饮用。店名：北角煮饭仔 Housewifey
地址：北角马宝道54号华礼商场地下G17-18号舖
电话 : 64142589
张贴
