影片
更多
2022-09-14
24 浏览
omakase咁贵嘅价钱，我呢啲小平民平时真系唔舍得食，今次庆祝好朋友👭升职，难得地豪尽佢！千拣万拣拣咗呢间omakase～我地分别试唔同set，我呢个「雪」set $1280，有前菜3点、寿司15贯、卷物、汤&甜品由前菜开始，已经系由一位厨师全程serve我地，食嘅先后次序、品尝嘅方法，都一一介绍前菜有超甜嘅北海道白粟米🌽、鸭胸包住大葱&青瓜丝，仲有超特别嘅蟹肉波波，薄脆嘅外壳入面有蟹肉玉子沙律，面头洒啲芝麻更加香到主菜15件寿司，omakese食新鲜、时令嘅靓鱼生已经系基本野，但系要做到突围而出，呢到嘅师傅就用尽心思，每一件寿司嘅调味、处理方法都有啲唔同，务求令客人食完之后有「记忆点」🍣有青柠汁嘅岩手县石垣贝，师傅拍一拍刺身，即时收缩，入口清甜爽口🍣左口鱼薄切配左口鱼裙边，两种唔同嘅口感，味道清清地，有甘香嘅柚子皮配搭，开咗个胃😆🍣脆口嘅紫菜夹住炙烧过嘅带子，上面有鲜磨嘅wasabi，带子厚肉大旧，劲满足🍣北海道花哨蟹，啖啖肉再混合蟹膏，真系啖啖鲜甜😍🍣酱油渍吞拿鱼加紫苏叶，入口几清新，紫苏叶嘅味道令鱼味更突出🍣烧过嘅鲽鱼入口油脂肥美，七彩芝麻影嚟打卡几靓🍣烟熏鲣鱼上放咗炸葱丝、土
我地分别试唔同set，我呢个「雪」set $1280，有前菜3点、寿司15贯、卷物、汤&甜品
由前菜开始，已经系由一位厨师全程serve我地，食嘅先后次序、品尝嘅方法，都一一介绍
前菜有超甜嘅北海道白粟米🌽、鸭胸包住大葱&青瓜丝，仲有超特别嘅蟹肉波波，薄脆嘅外壳入面有蟹肉玉子沙律，面头洒啲芝麻更加香
到主菜15件寿司，omakese食新鲜、时令嘅靓鱼生已经系基本野，但系要做到突围而出，呢到嘅师傅就用尽心思，每一件寿司嘅调味、处理方法都有啲唔同，务求令客人食完之后有「记忆点」
🍣有青柠汁嘅岩手县石垣贝，师傅拍一拍刺身，即时收缩，入口清甜爽口
🍣左口鱼薄切配左口鱼裙边，两种唔同嘅口感，味道清清地，有甘香嘅柚子皮配搭，开咗个胃😆
🍣脆口嘅紫菜夹住炙烧过嘅带子，上面有鲜磨嘅wasabi，带子厚肉大旧，劲满足
🍣北海道花哨蟹，啖啖肉再混合蟹膏，真系啖啖鲜甜😍
🍣酱油渍吞拿鱼加紫苏叶，入口几清新，紫苏叶嘅味道令鱼味更突出
🍣烧过嘅鲽鱼入口油脂肥美，七彩芝麻影嚟打卡几靓
🍣烟熏鲣鱼上放咗炸葱丝、土佐醋啫喱，微微嘅烟熏味道加上酸酸甜甜，感觉好特别
🍣伴著京都橙渍嘅深海池鱼，中和番池鱼嘅油腻感
最特别嘅系虾虾4重奏，4样唔同虾嘅做法，分别系开边甜虾、刴碎嘅虾茸、烧虾头嘅虾膏，再加樱花虾炒香后磨成嘅粉
食到饱到已经九成之后，仲有个超好食嘅卷物！师父先将拖罗嘅脂肪边烧香，用佢嘅鱼油捞埋拖罗容、赤身、大葱、青葱、芝麻，再加卜卜脆嘅天妇罗面衣，做成一个卷物，真心劲好食，饱都要食！
食完卷物有碗热汤暖下个胃，我本身已经好钟意鱼汤，师傅话佢地用咗六斤鱼煲咗三个钟，再加洋葱🧅、甘荀、其他嘅配菜，先可以令鱼汤浓郁得来又唔会腥
最后仲有甜品，红豆抺茶蛋糕，好香嘅宇治绿茶粉，配日本嘅蜜柑，画上完美嘅句号。
张贴
