影片
更多
2024-08-09
11644 浏览
真实自费食评今次系第二次食大围呢间分店，而元朗分店都食过两次，但大围分店质素好似真系有啲下滑。今次系订到8:15pm既时段，店员都知道天气比较热，喺8:00pm就已经可以俾客人入去凉下冷气，至少老人家唔洗好热咁喺门口等。店员都好好咁问饮咩茶，亦都会问你有啲菜得返一个限额问你要唔要，但因为唔适合所以无要到，但因为知道啲菜式卖哂就可能无，所以落一两样先，但呢到啲店员有啲系你未讲完佢就转身走左，所以会谂究竟佢有无同你落到单。呢样希望佢地可以改进下。今次都叫左唔少菜式，因为多人食可以试多啲。第一叉 $188之前食既时候系叫勾魂叉，底铺左脆米，又会喺面上搽菠萝酱再用火鎗喺面到烧一烧。但依家只系好普通咁上菜，但就可能少左佢地想推荐呢个喺属于佢地signature既卖点。叉烧系好厚切既，虽然旧数比较少，但其实觉得厚再切半都好够食，都系肥叉既质素，所以好适合食肥叉既人试呢个菜。一口金砖 $78以为个名系豆腐，但食落原来系萝卜糕，都几有惊喜嘅系因为佢个外皮系用咸蛋黄去炸，所以食落好香口，呢个菜式都好饱肚。鲜山葵海蜇头 $128因为好钟意食海蜇头既关系，呢个菜系我每次黎都必点既，而且配山葵少少辣辣地系一个
今次系第二次食大围呢间分店，而元朗分店都食过两次，但大围分店质素好似真系有啲下滑。
今次系订到8:15pm既时段，店员都知道天气比较热，喺8:00pm就已经可以俾客人入去凉下冷气，至少老人家唔洗好热咁喺门口等。
店员都好好咁问饮咩茶，亦都会问你有啲菜得返一个限额问你要唔要，但因为唔适合所以无要到，但因为知道啲菜式卖哂就可能无，所以落一两样先，但呢到啲店员有啲系你未讲完佢就转身走左，所以会谂究竟佢有无同你落到单。呢样希望佢地可以改进下。
今次都叫左唔少菜式，因为多人食可以试多啲。
第一叉
$188
1094 浏览
0 赞好
0 留言
第一叉 $188
之前食既时候系叫勾魂叉，底铺左脆米，又会喺面上搽菠萝酱再用火鎗喺面到烧一烧。
但依家只系好普通咁上菜，但就可能少左佢地想推荐呢个喺属于佢地signature既卖点。
叉烧系好厚切既，虽然旧数比较少，但其实觉得厚再切半都好够食，都系肥叉既质素，所以好适合食肥叉既人试呢个菜。
一口金砖
$78
1136 浏览
1 赞好
0 留言
一口金砖 $78
以为个名系豆腐，但食落原来系萝卜糕，都几有惊喜嘅系因为佢个外皮系用咸蛋黄去炸，所以食落好香口，呢个菜式都好饱肚。
鲜山葵海蜇头
$128
3023 浏览
2 赞好
0 留言
鲜山葵海蜇头 $128
因为好钟意食海蜇头既关系，呢个菜系我每次黎都必点既，而且配山葵少少辣辣地系一个好开胃既菜式。
脆皮黑鬃鹅
$168
2730 浏览
0 赞好
0 留言
脆皮黑鬃鹅 $168
其实系烧鹅，唔系太多肉但个外皮都有少少脆口
一钵鱼肠
$168
1014 浏览
0 赞好
0 留言
一钵鱼肠 $168
个蛋会比较实，鱼肠都算多，一定要配胡椒粉食，因为系会有少少腥。
冰梅咸柠骨
$208
938 浏览
1 赞好
0 留言
冰梅咸柠骨 $208
个外皮唔会炸得好劲，系半肥肉，但会有根未必咬得开，个咸柠骨汗都较得好岩味。
猪油炒饭
$158
951 浏览
0 赞好
0 留言
猪油炒饭 $158
可以讲既系饭粒粒分明唔会痴埋一堆。
砂锅虾头膏炒饭
$228
731 浏览
1 赞好
0 留言
一黎到店员会打开个盖再帮手兜两下，黎既时候好香，不过食落无乜虾既味。
本身店俾左少少菜单可以早几日订菜式，黑鬃鹅喺菜单里面可以拣，仲有全只半只例牌去选择，但当同店员预订嘅时候，话一定要订半只。但我喺张可以订既菜单又见唔到咁写，咁就问店员点解一定要订半只，但店员突然又话唔洗订半只，话到时嚟到仲有例牌就可以要。咁其实早啲比客订，但又冇写到明要定半只起，其实被店员搞到好混乱。希望佢地可以跟进下呢啲情况式或update下啲俾人早啲订既菜式。
整体黎讲，我觉得元朗分店系出色啲，因为试过元朗既晚饭同饮茶，元朗分店既店员都会推荐啲合式既菜式，同埋元朗店既店员好似亲近啲，呢间好似同啲人讲野无乜反应咁。
而价钱，如果呢啲份量既话系真系略贵，亦都因为佢系列入米芝莲推介餐厅，但其实质素只系可以话OK，未去到有一啲菜式真系好超级特别推介。
如果仍然想列入为米芝莲推荐餐厅，需要再用心一点。
张贴
