貴族甜品 (元州街)

营业中

休息中

不论何时何地，女仔总有第二个胃留俾甜品。呢日同朋友食完晚饭, 就去咗附近嘅甜品店继续girls’ talk。餐厅面积唔大, 座位比较狭窄, 尤其天气冻每位客人都着大褛, 就有少少唔够位置放嘢。谂住食啲热嘢暖下肚, 点知店员话日本红豆豆腐花只有冻食(由此证明贵族甜品的豆腐花不是即叫即撞), 唯有点北海道牛奶炖蛋白加红豆 。第一次食呢个combination, 冇谂过红豆同炖蛋白咁夹。红豆大粒份量多, 且甜度适中。比较下炖蛋白就比较逊色, 虽然表面光滑, 没有过火, 但奶味唔算浓郁。整体嚟讲, 甜品属中上水平, 但再特意光顾的机会唔大, 都系留番啲quota俾其他美食啦!