鼎泰豐

营业中

休息中

放假去沙田睇戏，睇完喺附近食野，见好耐冇食过鼎泰丰，就入去食个下午茶！不过唔食由自可，一食第一个感觉系，点解难食咗咁多？令我好失望。红烧牛肉面，汤底淡咗，冇果只香浓牛肉汤味，仲要价钱比其他食牛肉面嘅地方贵，而且份量又少。小笼包系热嘅，不过冇鲜肉汁嘅味，好普通嘅小笼包，可能对佢太大期望，记得之前喺其他分店食系好食啲。醉鸡啲肉好鞋。整体嚟讲，服务质素其实唔差，环境都坐得舒服，但系收得咁嘅价钱，应该要保持到食物质素，一入去我系想食一个好味嘅小笼包，最后都系失望而回。