新興發點心

营业中

休息中

呢间系西营盘咸鱼栏既点心小店，格局虽然系普通茶记装修但都坐得舒服。三位楼面呀姐服务比好多酒楼更贴心，不时主动帮客加水。食客除街坊外也有不少区外客。佢地既点心相信系自家厨房制造非工场交来，味道不只新鲜好味，而且性价比仲极高。果日因为得自己一个人去所以只食咗三样嘢:叉烧肠，鸭脚扎同素翅灌汤饺。通常鸭脚扎入面旧芋头我觉得系下栏从来唔会食的，但佢呢度整果件好靓，食落好粉，完全癫覆我一值以来对鸭脚扎入面旧芋头的不良感观。灌汤饺好足料，汤又够热。隔离枱位婆婆埋单时猛赞d点心好味，特别系咸鱼肉饼饭旧咸鱼㖞。佢地既点心的确唔错，但我更欣赏佢既茶竟然好滑，好似用山水冲既咁。收六蚊位茶钱真系超值。以后上环买嘢一定再去帮衬。