新興發點心

营业中

休息中

嗌左腸粉醬都唔俾 話要自己一早講定態度勁惡劣今日再嗌個飯 要多豉油 又同我講得啊啦 我要寫字 態度又差。垃圾既老闆定點？西環你做唔到街坊生意 祝你好生意我以後唔會再食 ！態度勁勁勁勁勁勁差

作為一個年輕人☺️我都好鐘意飲茶食點心。而喺上環至西環一帶又唔知點解咁多細細間嘅一盅兩件。今日嚟到上環搵食buddy嘅同事推介嘅新興發點心。網上search不難發現另一間，只差一個字嘅人氣點心店，而今日我哋食呢間好似無咁多人介紹過🤔中午食飯時間，店內坐滿人但不至於排隊，而大部分食客都有返咁上下年紀，似乎熟客為主🥸出乎意料之外，佢哋嘅生煎包好好食，有原隻爽口蝦仁混合豬肉，包身軟熟，不油膩👍👍蝦餃，外皮唔會蒸爛咗，蝦餃皮仲有少少煙韌，蝦肉鮮甜爽口（而家都比較少會食到）。燒賣都做得好好，豬肉嫩滑而唔會過實，比起各大連鎖品牌酒樓都要優勝！上湯腐皮卷原本無諗住介紹，但因為佢哋放咗魚肚去吸收上湯而加分，仲要魚肚處理得宜！無我怕怕嘅「膠」味。最近我食過嘅周記會話佢哋煎炸物好出色，而新興發蒸點心係一流！🥰

我們坐近門口，店員為了讓食客快啲走，就關掉風扇，逼客人盡快食完讓出座位，基本上我們和第一枱客食半個鐘就走，沒有霸佔太久，態度惡劣，雖然食物尚算新鮮。不會再光臨。

去到嘅時候大約係朝頭早10:00，都幾多人，幾乎全場爆滿。因為店舖唔大間。其實得幾張枱。咁就坐咗響門口嘅位置，因為天氣實在太熱，門口位冷氣始終不足，又不至於食到流汗，不過就有少少熱。小店經營模式，店員都很熱情，應該多數係做街坊生意。見佢同啲客人都係有傾有講。試咗幾款點心，有啲冇影相，覺得最好食係鮮蝦腐皮卷，新鮮熱辣，外皮趣卜卜。其他點心都係新鮮即蒸，全部上枱嘅時候都係熱嘅。味道就中上。我自己來說覺得幾碟點心都比較淡口少少，可能就返多老人家幫襯？辣椒油同埋茶葉質素一般。總結：環境舒適度一般，點心不錯，招呼正常。未試過可以一試。喜歡我的食評可以追蹤我，謝謝。

態度惡劣、經常漏單，外賣不跟先後次序。經常留食物，那回家才可以發覺（本人試過不止一次）。 做錯做漏單不承認，反而怪責客人。向貌似老闆娘的人投訴，竟然發爛渣鬧人，永不錄用！

四個人叫左8樣點心流沙包：餡料略小，但咸蛋黃同奶黃嘅味道幾平衡。叉燒腸：好滑，好多叉燒加少量芫荽北菇蒸雞飯：雞肉好滑，但係夾起嗰陣覺得肉質略散。蜂巢糕：呢個每次嚟到都會必叫，因為出邊好少地方有得食。呢個糕有香甜嘅黑糖味，食落煙煙韌韌好正。鮮蝦腐皮卷: 好足料，好脆。仲叫左豬骨粥，燒賣同蝦餃整體樣樣點心都新鮮熱辣，味道唔錯，值得再嚟幫襯。茶：叫左壺鐵觀音，睇到好多茶葉，但冇咩味。不過$5/位茶都算係咁啦。

看起來不太起眼的店舖，還有樓上座位的。菜單也簡單。點心材料新鮮而且 價格大眾化 。大多顧客早晨街坊來飲茶的地方。食物也不需要多等 熱騰騰的拿到桌上享用 店舖忙 也很多人打電話叫外賣

呢間係西營盤咸魚欄既點心小店，格局雖然係普通茶記裝修但都坐得舒服。三位樓面呀姐服務比好多酒樓更貼心，不時主動幫客加水。食客除街坊外也有不少區外客。佢地既點心相信係自家廚房製造非工場交來，味道不只新鲜好味，而且性價比仲極高。果日因為得自己一個人去所以只食咗三樣嘢:叉燒腸，鸭腳扎同素翅灌湯餃。通常鸭腳扎入面舊芋頭我覺得係下欄從來唔會食的，但佢呢度整果件好靚，食落好粉，完全癲覆我一值以來對鸭脚扎入面舊芋頭的不良感觀。灌湯餃好足料，湯又夠熱。隔離枱位婆婆埋單時猛讚d點心好味，特別係咸魚肉餅飯舊咸魚喎。佢地既點心的確唔錯，但我更欣賞佢既茶竟然好滑，好似用山水沖既咁。收六蚊位茶錢真係超值。以後上環買嘢一定再去幫襯。

一個人既輕食早餐點心飲茶時間早左出黎,食個點心先!西環都幾多小店雖然係點心小店,但係幾傳統仲係用舊式茶杯個種呢度標榜新鮮出品 每日即做 叫左份即拉既牛肉腸粉 煎蘿蔔糕蘿蔔糕煎到好香口 咬開食到好多蘿蔔碎粒同埋臘肉粒 又香又惹味 加埋辣醬食味道更好即拉腸粉,個皮夠滑溜,包住滿滿既餡料,牛肉幾香,加埋豉油食味道豐富平平地食物水準不錯消費$60西環西營盤德輔道西239號德美樓地舖

一定無下次！😡😡😡😡😡外賣要等預左 一個鐘先拎到就好唔合理如果落單個陣同我講要等成一個鐘既話我ok但係無囉！心諗半個鐘後番去攞點有喇卦係無！係好似無理過張單咁！漏單我ok 講聲退錢咪當我黑仔等下一袋外賣又一袋外賣咁岀都無我張單個啲單仲要係我後面！外賣單係咁接 但又只岀堂食門口就一堆人等催單又要俾岀餐位個呀姐睥 做唔到呢個流量就唔好接外賣啦有生意要做我明都要交到貨先得架大熱天時企係條街到等成個鐘外賣真係乾蒸

坐小巴睇到有人特登過來飲茶，我都有少少心動。不過門面唔大，次次經過好似人都唔多。過咗好耐終於來試試水。結果，2日就幫襯咗2次。糯米雞，蝦餃都幾好味。小朋友鐘意食蝦餃，馬拉糕，鹹水角。我就最鐘意鮮蝦菜苗餃，鮮竹卷。生煎菜包仲有鮮蝦加持，真係諗唔到。鮮竹卷係有湯湯水水加魚肚。夥計大部分係上年紀啲婆婆，即落即整，慢慢來啦，等都值得。個料都好足，食唔嗮一盅兩件，太多野都冇試過，多留一點餘地比自己喇，下次再來啦。

隔三差五到新興發。店子很小，各地遊客慕名而來。廿個座位左右的店面，坐得不算舒服，很擠。不想阻礙小舖做生意，甫坐下便劃點心，速戰速決。要注意新興發的點心，有時會有改動。因人手關係，亦常有漏單情況。最最不能錯過的是她的鮮蝦炸雲吞，新鮮熱辣，香脆到不得了，吃的時候會'灑灑'聲，薄脆非常美味。其實此店的炸物水平一流，大可放心嚐嚐。滋味蜂巢糕是我的摯愛，密密麻麻的洞洞，熱氣騰騰。它那濃濃的黑糖味道，充斥著我口腔內的每一粒味蕾，久久不散…正! 每次我來若碰上此物，肯定吃它兩籠。銀杏白粥很稠，帶有絲絲白果的香氣，正對我的胃，吃完半飽。這個粥放工來吃，是可遇不可求，因為午市可能就已經售罄。柱侯金錢肚，簡直是欲罷難休。它惹味、香濃、有嚼勁…一客的份量只有那6，7件，真正是'阿媽都無情講'，搶! 如果可以少放些柱侯醬，則更理想。陳皮燉原個雪梨，是個花時間的慢活，坊間少有造這個點心的店，聽說還有些止咳化痰的療效。很好吃，但陳皮味道不突出。這家店子，點心不錯，但價格較高。若是不想破費，可以幫襯她的鮮魚晚餐，十分大件、抵食。到西環，來試試。

點心痴，又再出動，今次叫左8个點心流沙包，極差⭐️點解可以用个(流字）好失望排骨，好咸⭐️⭐️鳳爪，還可以⭐️⭐️⭐️菜苗，算係最正常⭐️⭐️⭐️抄米粉，白雪雪，唔知似咩⭐️鴨腳扎，一般過一般⭐️⭐️腐皮卷⭐️⭐️燒賣，⭐️⭐️唔會再去，中計🤦🏽‍♂️🤦🏽‍♂️🤦🏽‍♂️🤦🏽‍♂️🤦🏽‍♂️🤦🏽‍♂️🤦🏽‍♂️🤦🏽‍♂️

懒人补点评。看推荐过来,店面虽小干净整洁,点心价格实惠,卖相很好,店里客人大多是本地的老人,很有老港式点心店的韵味,也说明味道确实地道吧。点的味道确实都不错,两人份还有点多了,一起拼桌的对老夫妇就点了四样点心还没吃完。

今日路經西環，剛好午膳時間，甘我就周圍搵嘢食，見到間點心店就走左入去食嘞。點心選擇多，而且價錢便宜，我估佢地做街坊生意，所以價格無甘進取。茶錢只是五蚊，抵！蟹籽燒賣，大大粒，蟹籽多，蝦肉爽口大件，豬肉肉香，夠彈口。山竹牛肉，啤水度適中，有肉味，內有馬蹄爽口，整體組合好食。春風得意腸，質素高，內裡的油炸鬼上碟時還是脆的，證明即叫即整。而且粉腸內的料很多，鮮蝦份量不偷工減料，高水準之作。提外話，好少春風得意腸的粉皮會厚身甘足料，好多人以為薄身為佳，但其厚身才能吸收足夠的腸粉鼓油，腸粉才好食。總結：食物整體質素佳，即叫即蒸，點心夠熱，落料足，不偷工減料。而且我非常欣賞佢地服務 殷勤，自動加水，對食客又有禮貌。