華鳥風月 (已結業)

同朋友去铜锣湾试左呢间刚开始试业既华鸟风月，日式居酒屋，环境舒适有情调；侍应们都很有礼貌，会频频加茶，更会同推荐唔同既菜式，让客人们多点选择。（搭lift会见到23同25都系佢地，25楼先系餐厅入口，23楼系酒吧）餐牌选择不少，前菜、佐酒小吃、刺身、日式串烧、煮物、天妇罗和斧饭等等。食落劲清甜既水果茄沙律，咬落多汁好似食紧水果咁，劲开胃呀！海胆松叶蟹肉他他，摆盘好精致，有海胆、松叶蟹肉、吞拿鱼茸同鱼子等，好丰富！可以用附上既紫菜包住黎食，唔错！仲有串烧都烧得唔错，推荐虎虾鸡皮串，唔单止烧虎虾咁简单，外皮包左层脆脆鸡皮，中间亦放左片紫苏叶，咬落口感丰富左，特别之余又好食！仲有鸡皮串都推荐呀～～好邪恶仲有平时去铁板烧先食到既连鱼鳞食既甘鲷，鱼鳞咬落劲脆口，好食！鹅肝茶碗蒸、烧饭团烧饭团都几好食，特别系明太子，仲会食到有少少饭焦，唔错！饭后甜品，抹茶蕨饼。