影片
更多
2012-03-12
20 浏览
成日都听D同事讲话好食,上嚟依度又睇到唔少好嘅食评,终于衬住特别日子,俾个藉口自己订枱试试!果日订左第二轮,1920去到,果时巳经成个门口都系人,去到问下D WAITRESS姐姐订左枱,驶唔驶排队,原来都系要嘅!1930准时入餐厅,坐低左,二话不说就走左去排生蚝果条队,因为好多人都话好食!初初排队都OK,我第一转只系排左5分钟左右,但系到之后果两转,每次平均都要排15分钟,得2小时30分钟食自助餐,咁排法真系唔系好化算!!!!!!!但系见到个生蚝师父已经不停咁开,要排队都无办法,我谂要加速取蚝速度,可能要加多个开蚝师父同埋一个洗蚝助手!之后再食第二样多人排队嘅野~剌身!剌身种类都算多8-9款,咁我就梗系食D比较回本嘅剌身啦!来来去去都系海胆,带子,甜虾同三文鱼!海胆好好食,坚好食!搅到我都食左四转,因为排时间比较短,都系排5分钟左右,总比生蚝快!而其他嘅三文鱼好肥美,带子同甜虾亦不错,但系喺"脸书"D朋友讲话以前D甜虾系大只版本,正好多!依次好细只!跟住就转攻长脚蟹,自从几年前去北海道食完,返到香港几年,见到都懒得食,因为要拆壳先有得食,但系个个都推介长脚蟹,唯有懒都要出下手,试过之后
初初排队都OK,我第一转只系排左5分钟左右,但系到之后果两转,每次平均都要排15分钟,得2小时30分钟食自助餐,咁排法真系唔系好化算!!!!!!!但系见到个生蚝师父已经不停咁开,要排队都无办法,我谂要加速取蚝速度,可能要加多个开蚝师父同埋一个洗蚝助手!
之后再食第二样多人排队嘅野~剌身!剌身种类都算多8-9款,咁我就梗系食D比较回本嘅剌身啦!来来去去都系海胆,带子,甜虾同三文鱼!海胆好好食,坚好食!搅到我都食左四转,因为排时间比较短,都系排5分钟左右,总比生蚝快!
而其他嘅三文鱼好肥美,带子同甜虾亦不错,但系喺"脸书"D朋友讲话以前D甜虾系大只版本,正好多!依次好细只!
跟住就转攻长脚蟹,自从几年前去北海道食完,返到香港几年,见到都懒得食,因为要拆壳先有得食,但系个个都推介长脚蟹,唯有懒都要出下手,试过之后,原来有D野真系唔懒得,真系几好食,长脚蟹冻冻的,但系食落一D雪味都无,而且肉质都好新鲜,蟹汁仲好JUICY,拆到成手都系蟹汁,正正!!!!
食完一轮冷盘,终于转食热食,热食种类不多,不出十步都睇哂,唯一一样值得注意嘅就系个鹅肝,虽然本人什少食鹅肝,因为制造过程极度残忍,不过又系果句,俾左钱,试下啦!试左第一块,鹅肝配合酱料,甜甜的,再配合脆面包,入口绝不油腻,正!又搅到我食左两转,而同时配给嘅佐贺和牛,只属一般!
食完一轮,终于到甜品啦!首先就食左个心太软,心太软个心焗得太耐,搅到心太软变左心太硬,只有少少朱古力浆,好少,真系好少,希望下次会好D!
而其他嘅甜品不过不失,如果你个胃已经无咩位,一定要留返少少位俾"北海道牛奶布丁",依一款布丁,每出一转,D人好似傻左咁冲去抢来食,唔系吹水,真系好疯狂,我两公婆好辛苦先取到两转!
之后时间又差唔多,又要走人啦!
题外话/补充资料：
如果平日食第一轮,我会觉得系抵食,但系食星期五六日,第二轮,我会觉得太贵!唔太值,因为已经收紧酒店自助餐嘅价钱!平日,我会再去帮衬!
(以上食记乃用户个人意见 , 并不代表OpenRice之观点。)
张贴
