好川好菜 (已結業)

#MJ尖沙咀#MJ川菜🔽呢排好似对辣野上左瘾咁，不断去揾啲川菜果类麻麻辣辣既食物菜式黎食，所以主要都会揾主打川菜既餐厅黎试。而呢间川菜馆就系我呢排觉得食得过而且质素唔错既一间。🔽呢度既area唔算好大，不过好在佢都有两层，仲有贵宾房，人多既话都可以开间房黎同朋友聚餐。佢地既mena系部ipad,客人睇完仲可以顺手落埋单。要赞下呢度既装修都几古色古香，喺呢度食饭别有一番风味。🔽🍲酸菜沙巴龙趸呢碟酸菜沙巴龙趸只系普通size ，但系就已经非常大碟，两三个人都够食。条鱼处理得几好，冇咩腥味 而且肉质几嫩滑，不过条鱼啲骨都唔少。谓味方面，叫左小辣 所以唔太够辣 建议叫中辣 味道就会更好，不过都唔错既，酸菜骨都几多 所以味道几浓，如果个汤无咁油会更好味。🔽🥙麻辣海蜇手撕鸡佢既味道就浓啲，虽然都系小辣，但都已经好辣好够味。手撕鸡既比例较多，除左辣味 仲好香麻油味，食起上黎好惹味，用黎𩠌饭一流。只系个海蜇切得太幼 令佢既咬口无咁出，建议切返大嚿啲。🔽🥗凉拌海带丝材料都几丰富既前菜， 红萝卜丝 海带丝 菜莆粒 青瓜 芝麻，凉拌既方法再加少少辣油，几清爽 几好味，不过都系切得太幼。🔽🏠好川好菜 📍尖沙咀