點點鮮 (已結業)

满心期待嘅海鲜大餐，结果令人食到一肚气！😤见到呢个阵容本身大家都好兴奋，啲海鲜望落都好似几新鲜，但到真正开餐𠮶时先发现原来质素好参差...😩我哋叫嘅系八人餐，差唔多每样海鲜都令我哋有中伏嘅感觉...- 大蚬:个size只系比平时啲豉椒炒蚬大只少少，唔知系咪真系大蚬嚟...- 鲍鱼:有一只好明显死咗好耐，谂住都系冇咁新鲜姐，于是照摆落去蒸，点知蒸蒸下闻到浸劲臭嘅味...嗅到好似爆屎渠咁...于是即刻夹返佢出嚟掉咗佢...浸臭味好耐先散到！😭- 元贝:其中一粒特别细，细到干瑶柱咁嘅size...摆明揾笨！仲要蒸之前发觉佢洗得唔系好干净...我哋唯有自己再攞盐水冲一冲🤦🏻‍♀️- 虾/蟹:有大概一半都系梅梅地...😔- 鱼:肉质正常但一啲鱼味都无最后整个粥底先最惨...喺所有精华落晒啲水度嘅时候...个粥底竟然煲窿左！！！可能系我哋唔识煲粥啦...但其实上面蒸紧野嘅时候我哋根本唔会搅到下面啲粥...我真系唔明系我哋嘅问题定系个煲嘅问题...个煲加咗$99换㗎！！最后就搞成咁喇！！真系好嬲！呢餐海鲜餐破坏晒我哋嘅心情！以后都唔会再帮衬！