Shine (已結業)

晚餐谂食咩都好头痛，呢个时候我就会拣啲之前食过又唔错嘅餐厅，有信心之外更唔怕会失望。今次再到Shine进餐，质素都系保持到，仲试咗啲之前无食过嘅菜式。秘制凯撒沙律最近食肉太放肆，找个平衡点当然要点沙律中和吓，饮食均衡都好重要，但其实我地点呢个沙律都偷鸡点咗有Parma Ham嘅，另外更可配烟三文鱼啊！沙律菜好新鲜爽脆嘅口感又醒胃，特别钟意好脆面包粒同烟肉碎，烟肉干得嚟仲食到佢嘅味道仲带少少甜味添，带啲似猪肉干嘅香味。Lobster Bisque沙律之外点少得汤，我地就点咗龙虾汤，之前听过朋友推介，果然好浓郁，除咗龙虾嘅鲜味仲带啲蔬菜嘅甜味，饮落都无乜易腻啊！烧西班牙黑毛猪扒配苹果蓉主菜西班牙黑毛猪扒仲可以拣要几成熟，我地就拣咗7成。猪扒好厚一块，内里做到粉粉嫩嫩咁，因为够厚切所以锁到好多肉汁同埋咬落都好多肉汁爆发。不意外地外层焦脆部分好香口，而内里肉味都重。侧边配菜都几多，椰菜花、萝卜、蕃茄仔等等。其中几惊喜佢地嘅薯皮，几绵密又多咗重口感，再有啲忌廉包裹住，连配菜都唔马虎呢！