影片
更多
2019-01-13
564 浏览
今晚一行四大一小去到越开越多分店嘅芽庄食晚餐，拖住一小就要揾一间坐得舒舒服服嘅餐厅食饭，好好彩星期日夜晚七点都唔太需要排队就直入左啦。虽然佢越开越多分店，但系其实我都只系第一次嚟食，总系觉得呢一类型连锁嘅越式料理餐厅，来来去去都咁， 唔会太好食，所以都冇抱太大嘅期望。但系今日一试，我又有点改观。蒜子炒通菜 炒得非常之香，炒得入味可口惹味，比我预期之中好食会安炸软壳蟹卷 软壳蟹炸得唔够香脆，但系加上生菜同埋米纸之后，都唔错，但比较淡口，但又冇配上酱汁，所以普普通通。炸莲藕鱼肉夹 喺出面嘅食肆冇见过呢一种嘅菜式，佢系两片莲藕之间夹着鱼肉再炸，炸得几香口，但系炸得比较干身，所以味道一般。芽庄炒饭 有一啲类似腊肠嘅猪肉加上鸡蛋同菜一齐炒，上到枱面略嫌唔够热，但味道可以接受。香茅烧鱼 烧得非常香，加上佢嘅秘制嘅香茅酱汁，食落多汁又可口，非常唔错，加上青柠提鲜，整体唔错，值得一试。越式烧鸡 烧得皮脆肉滑，而且唔会干身，保持到鸡肉嘅嫩滑，沾上葱油酱汁，味道好好，好惹味，值得一试。河内番茄蟹肉汤檬 蕃茄汤非常之香浓，加上啲蟹肉变得很鲜甜，檬粉煮得啱啱好，唔会一夹就散，最怕啲檬粉好散散碎碎。而且味道好好
虽然佢越开越多分店，但系其实我都只系第一次嚟食，总系觉得呢一类型连锁嘅越式料理餐厅，来来去去都咁， 唔会太好食，所以都冇抱太大嘅期望。但系今日一试，我又有点改观。
蒜子炒通菜 炒得非常之香，炒得入味可口惹味，比我预期之中好食
会安炸软壳蟹卷 软壳蟹炸得唔够香脆，但系加上生菜同埋米纸之后，都唔错，但比较淡口，但又冇配上酱汁，所以普普通通。
炸莲藕鱼肉夹 喺出面嘅食肆冇见过呢一种嘅菜式，佢系两片莲藕之间夹着鱼肉再炸，炸得几香口，但系炸得比较干身，所以味道一般。
芽庄炒饭 有一啲类似腊肠嘅猪肉加上鸡蛋同菜一齐炒，上到枱面略嫌唔够热，但味道可以接受。
香茅烧鱼 烧得非常香，加上佢嘅秘制嘅香茅酱汁，食落多汁又可口，非常唔错，加上青柠提鲜，整体唔错，值得一试。
越式烧鸡 烧得皮脆肉滑，而且唔会干身，保持到鸡肉嘅嫩滑，沾上葱油酱汁，味道好好，好惹味，值得一试。
河内番茄蟹肉汤檬 蕃茄汤非常之香浓，加上啲蟹肉变得很鲜甜，檬粉煮得啱啱好，唔会一夹就散，最怕啲檬粉好散散碎碎。而且味道好好，我哋连啲汤都饮埋，亦唔觉得个番茄汤有味精，非常值得一试。
总括嚟讲，呢间连锁嘅餐厅都比我想像中好，味道同价钱成正比，而且佢嘅分店地理位置都好方便，想想舒服服食一餐都系唔错嘅选择，而且呢一间嘅职员态度都好唔错，会不停咁加水同埋收碟，而且都好亲切有礼。
张贴
