倪姐泰國美食 (已結業)

四个人黎左倪姐食，作为九龙城友都要睇下呢间泰菜质素。7点9到门口已经有人等紧，我地约15分钟有位。见到好多人都系黎呢到打边炉，但我地就叫左虾饼、烧牛肉、船河、马拉栈炒芥兰、鸡肉+鸡肾串烧、炒金边粉。先来饮品椰青，比其他泰菜细左少少，胜左够哂冻同甜！烧牛肉几好食，配埋d特制酱汁，好惹味，牛肉唔韧！炸虾饼新鲜炸起热辣辣，一碟有8旧，除左觉得有d偏咸外，整体都觉得虾饼几好食香口！其中招牌菜船河我本身几期待，第一次食，觉得汤底好饮，少少药材味，微辣，但好易入口，最好食系佢！炒芥兰我就觉得太咸同辣，可能芥兰唔合时所以苦劲好强！反而鸡肉同鸡肾串烧几唔错，几入味，肉质唔干，面头搽左d甜甜酱汁好食！最后炒金边粉用左少少蛋皮包住，份量唔细，同样热辣辣！整体黎讲，质素算唔错，价钱比同区泰菜平少少！餐厅职员会用平板落单，但成晚得2-3个楼面唔太足够。