驚安燒肉商店

营业中

休息中

一入门口reception同事就有积极同我哋介绍本店推介同Sapporo 啤酒买一送一优惠！ 对于钟意饮酒嘅我哋嚟讲，食日式烧肉点可以唔整番杯。 蟹肉苹果沙律，清新得来之余，蟹肉都好鲜甜，好开胃。 蝴蝶切和牛牛颈脊，呢个部位比起平时enjoy和牛脂肪嘅油香味，更加出嘅系牛本身嘅肉鲜味，用嚟做烧肉嘅第一个course非常适合。 和牛寿喜烧，一个稍为有少少仪式感嘅部份。职员会问咗你要几成熟之后，喺你面前用火枪帮你烧，烧熟后再沾上黑松露酱油蛋黄在和白饭一啖过食。酱汁调味非常好，和牛部份烧到恰到好处，同喺日本食到嘅味道一模一样。 和牛多士，呢个系我最惊艳嘅一道菜。多士嘅厚度啱啱好，充满着牛油嘅香味，烧得非常脆，一啖咬落去，和牛外香内软，可以话系入口即溶。性价比非常高。 原条手切牛舌，上菜时候职员有话想食就叫佢哋来烧。以$115呢个价钱嚟讲份量好足。牛舌嘅纹路都好靓。烧起嘅牛舌居然会有炭烧嘅味道！咬起嚟一啲都唔韧。 整体嚟讲，餐厅选用嘅和牛质素都好好。摆盘亦都10分精致，环境舒服，以日式和牛烧肉店嚟讲，系一间性价比好高嘅店舖。