花串日本料理

营业中

休息中

好多时同旧同事叙旧都拣呢一间，喺中环有质素嘅日本餐厅！试过几次质素都系非常之好。今晚再帮衬，发觉餐牌好似有D唔同咗！之前食烧物串烧比较多！今日就试吓杂锦刺身，两个人来讲份量都非常之好。整体来讲都系新鲜嘅，有牡丹虾、带子、剑鱼、油甘鱼等等。但系个人就觉得唔够冻！焗芦笋同埋烧茄子都好味㗎！我就钟意芦笋多一啲烧茄子就比较淡后加一个银雪鱼西京烧，一向都系最钟意食！非常好味唔觉得系淡！（因为叫嘅时候侍应提醒我哋话银雪鱼会比较淡味）本身都有银雪鱼嘅鲜味！呢度嘅甜品都系样样都好好食！同埋啲雪糕系好有特色嘅，唔系度度都有得食！今晚食咗粟子雪糕番薯新地！只可以话系绝配⋯⋯好好味栗子，加蕃薯粒同埋有啲红豆蓉呢度最好一样嘢就系冇限时，咁就可以同朋友同事叙旧就比较好啲！周末前夕星期五晚都冇限时限刻可以倾饱食饱都得