千両 (希慎廣場)

营业中

休息中

今日过嚟铜锣湾约朋友食午餐，本来我哋想去另一间日本餐厅，但系可惜已经满座，行到来希慎广场，见到千両，就入去试吓啦！座位还算舒适，但枱与枱之间位置比较少，所以私隐度低，好容易听到隔离枱嘅对话。午餐选择还算多，有刺身、寿司、熟食、套餐等等.....可以选择，我哋两个叫咗一份鳗鱼饭及海鲜刺身丼。整体午餐偏细份，但鳗鱼份量尚可，仲有2只熟虾、蛋丝、蟹柳丝、蟹籽（午餐包括沙律、前菜、面豉汤）虽然细份，但味道不错！海鲜丼有很多刺身，包括有三文鱼、甜虾、带子、吞拿鱼、油金鱼及三文鱼子，非常新鲜。