影片
更多
2017-08-03
5198 浏览
上司荣休搅欢送聚会，我负责订食物，咁大重任，立即温功课，俾我揾到呢一间。见地点近我中心，食评亦算正面，打去查询服务亦好，立即电邮报价单俾我，好！就订呢间！27人嘅聚会，我订咗15盘食物，本来要$2,962，但NGO竟然有九折，折实$2666！仲唔需要我俾按金，货到先俾现金或支票，真系好！食物准备送到，送货哥哥亦有礼貌！盘盘食物热辣辣，用锡纸盒封好，再整齐放入纸皮箱，连奉送嘅餐具同食物夹，干净企理，感觉加分！因聚会有其他环节，我哋喺一个半小时后先开餐，但每款食物仍能保存温热，份量亦十分之多，令我顷刻放下心头大石！沙律卖相靓，杂果鲜甜美味，我食咗两大碟！原来蒜蓉炒杂菜同焗芝士白汁双花一样，都系西兰花&椰菜花！蔬菜种类选择少咗，但两盘啲花都好新鲜爽脆，软硬适中！西兰花颜色翠绿，十分美味！两盘比较，我比较喜欢芝士焗双花，味道层次更好！我食咗三大碟，第二日Lunch再食两大碟！(事缘剩咗好多！)其他值得一赞仲有：白汁鸡皇意粉、红烧豆腐、牛油翠玉瓜杂菇等！拼盘好快清哂！同事话椒盐鲜鱿味道极佳！同香柠鸡件都新鲜香脆！(我因为唔喜欢油炸食物，所以冇食！)唯一值得改善嘅系：菠萝海鲜炒饭卖相麻麻，唔系我想
见地点近我中心，食评亦算正面，打去查询服务亦好，立即电邮报价单俾我，好！就订呢间！
27人嘅聚会，我订咗15盘食物，本来要$2,962，但NGO竟然有九折，折实$2666！仲唔需要我俾按金，货到先俾现金或支票，真系好！
食物准备送到，送货哥哥亦有礼貌！盘盘食物热辣辣，用锡纸盒封好，再整齐放入纸皮箱，连奉送嘅餐具同食物夹，干净企理，感觉加分！
因聚会有其他环节，我哋喺一个半小时后先开餐，但每款食物仍能保存温热，份量亦十分之多，令我顷刻放下心头大石！
沙律卖相靓，杂果鲜甜美味，我食咗两大碟！
原来蒜蓉炒杂菜同焗芝士白汁双花一样，都系西兰花&椰菜花！蔬菜种类选择少咗，但两盘啲花都好新鲜爽脆，软硬适中！西兰花颜色翠绿，十分美味！两盘比较，我比较喜欢芝士焗双花，味道层次更好！我食咗三大碟，第二日Lunch再食两大碟！(事缘剩咗好多！)
其他值得一赞仲有：白汁鸡皇意粉、红烧豆腐、牛油翠玉瓜杂菇等！拼盘好快清哂！同事话椒盐鲜鱿味道极佳！同香柠鸡件都新鲜香脆！(我因为唔喜欢油炸食物，所以冇食！)
唯一值得改善嘅系：菠萝海鲜炒饭卖相麻麻，唔系我想像中嘅海鲜！另外，食物夹十分松，好难夹起食物！
由于份量比想像中多(或者系我订多咗！)，28人食，依然剩返好多，最后同事又食又拎后，第二日要继续做lunch！
当日放工后，我有whatsapp赞老友记负责人林小姐，佢回覆我讲多谢！
坦白讲，事前筹备期间一直战战兢兢，惊订错食物就大煲粥！但最后能顺利让退休上司&同事享用一顿丰富美食兼有一个美好回忆，老友记～多谢你！
老友记到会～确实值得推介！我已推介俾细妹、同事&朋友！如果你愿意信我！你应该唔会失望！
张贴
