金豪酒家

营业中

休息中

呢半年相約唔同嘅朋友組合已經食咗好多次，大家都覺得呢間好食，質素穩定，性價比算高。佢個避風塘瀨尿蝦肉真係每次必食，拆晒肉啖啖肉好方便。有個好味醬烤骨，呢個大家都鍾意呀，黑毛豬肉好嫩口好好食，酸酸甜甜送飯一流。仲有例牌嘅當紅炸子雞，個皮炸得好脆好食，另外嘅芥蘭爽肉煲、白灼鮮牛頸脊肉、豉油皇炒麵，呢幾樣都係我心目中嘅推介。究竟係啲嘢好好食定係大家都肚餓，每次好快就已經 K.O. 晒枱上所有嘢，相信好快又會再去食。