悅滿軒

屋企人强烈推荐嘅餐厅－悦满轩，位于饶宗颐文化馆入面，位置比较偏但餐饮质素高又有特色，值得造访👍🏻先嚟烘热咗嘅面包－手工面包加咗蕃茄干，搽上软滑嘅黑水榄牛油，味道与别不同。餐厅供应天然无激素、无抗生素嘅美国牛肉－我地拣嘅牛腹肉肉味浓，外面亦有grill嘅香味，叫五成熟保留到佢粉嫩嘅口感，点粗盐最好味～伴碟嘅烧车厘茄香甜爆汁，烧蒜头烤过后少咗呛辣味变得软绵易入口。依度嘅pasta都系自家制作嘅－今次食嘅菠菜贝壳粉好烟韧，裹满忌廉菠菜汁好入味；钻石蚬鲜甜厚肉，pasta入面仲加咗细只啲嘅蚬肉同菠菜苗，食落更丰富。