如一

营业中

休息中

同朋友去旺角逛街，行下下落大雨，无带遮，咁就不如就近食饭先，刚巧见到附近灯箱，见啲菜式几吸引，所以就上咗楼食晚饭。私房菜馆地方细细，只有十张枱左右，装修唔算富丽堂皇，但系干净企理，感觉舒适。冰镇醉鲍鱼 鲍鱼size都算几大，QQ的，带微微酒香，因为经过冰镇，好适合夏天食。花胶杏汁白肺汤呢个汤系我嘅至爱，但现在好多餐馆都嫌麻烦，唔做呢个汤 。试咗一啖，汤底好浓郁，杏仁味好浓，花胶猪肺好淋滑，感觉好滋润。如一小炒王 其实就系蒜心炒土鱿、鲜鱿、虾干、辣椒……等。蒜心好嫩，加上爆炒嘅虾干土鱿同辣椒，好有镬气，钟意食辣嘅朋友就最啱喇。手撕鸡 卖相冇乜特别，但食落味道唔错，鸡肉做得好嫩滑，用人手撕开，加上调味，食起嚟好方便。味菜豉椒鹅肠 鹅肠清去大量鹅膏，所以食起嚟唔油腻，加上调咗味嘅味菜，酸酸甜甜，惹味味得嚟好开胃。陈皮蒜子榄角蒸龙趸脊呢个系惊喜之作，龙趸脊啲肉蒸得好滑，加上榄角陈皮，惹味得嚟带少少榄角清香，系全晚我最爱嘅水准之作。呢间餐厅𩠌菜味道唔错，而且碟头几大，仲有好多不同套餐可供选择，系好适合一家大细嚟食饭嘅地方。