FIVE GUYS

营业中

休息中

Five Guys虽然系快餐连锁店，但佢嘅装修真系好靓，好有美国快餐店嘅感觉。佢嘅红白配色再加格仔pattern，会令我联想起赛车方程式。一开头我睇佢嘅menu睇到一头雾水，因为佢all the way同customize 嘅items唔同，但正常all the way唔系应该包哂customize可以拣嘅野？但我觉得要逐样料嗌好烦，所以都系叫左个cheese burger all the way算。落得慢少少个职员都变哂面，仲点敢再拖。佢呢度薯条要另外叫，冇得话加钱转餐，咁我哋都叫左一份share。亦都另外叫左杯奶昔。佢呢度嘅奶昔有十几种味可以拣，你可以随心咁配搭。我谂你叫哂咁多只味入同一杯都得嘅，但会唔会怪就唔知啦。我哋叫左最稳阵实冇死嘅朱古力同焦糖盐味。佢个包皮都偏扁同冧，个牛肉都唔算厚但保持到有肉汁，其他都冇咩特别。个包都唔算大，就咁单叫都未必会够饱。反而佢个薯条好好食！佢系连皮炸嘅薯条，我最中意食有皮嘅，薯条炸得脆再加埋个皮口感会更结实，好过食啲软身得一大pat薯蓉喺入面嘅薯条。佢杯野饮都几甜，唔知系咪因为我叫左嘅都系好甜嘅味嘅关系，不过有少少咸味中和下都ok嘅。