可可店 (聯威新樓)

营业中

休息中

「佢…赞助过无数学生佢赞助嘅学生，令佢获奖无数佢镬铲下嘅，每一碟都系用心制作仲赞助？成个学生会都俾你心心喇！」平时去唔少餐厅，都会见到贴上杂志嘅介绍，而呢间位于西环坚尼地城嘅可可店，杂志嘅介绍就欠奉，但就见到劲多感谢状！细看之下，原来老板经常赞助各间大学嘅学生活动，深受学生嘅喜爱！而附近嘅街坊都因为价钱大众化，好钟意嚟呢度食吓嘢！今日我就嚟到可可店食晚餐啦。香煎蛋肠粉肠粉叫即煎，所以食落热辣辣，加入埋鸡蛋，令肠粉更加香滑，加入埋酱料，更加好味。咖哩三宝三宝有鱼蛋、萝卜同猪皮，最欣赏佢个萝卜，唔老无渣。但咖哩汁系上枱时淋上面，所以唔够入味。合时炖汤炖汤有好多款，我哋分别叫咗杏汁炖猪肺、西洋菜炖排骨、金银菜炖猪肺，碗碗都劲足料，而杏汁炖猪肺有劲香浓嘅杏汁味，仲有成5旧猪肺，猪肺劲干净！饮完碗炖汤非常暖胃好滋润！如果配饭饮炖汤仲有优惠添。豉汁蒸排骨排骨份量多，好入味，而排骨底下嘅豆卜先系精华所在，索晒汁，送饭一流！豉汁炆酿凉瓜5件大大凉瓜，入面酿满猪肉，好饱满，真系好有屋企嘅味道。豉汁豆腐蒸鱼块鱼块无骨好滑，啖啖肉又索晒汁，加多碗饭吖，唔该！