龍門一番 上海·紫砂燉湯 (已結業)

荃湾八咪半呢个商场翻新后多左几间食肆，呢间好像几吸引咁，但吾知佢个名入面既「紫砂炖汤」系乜东东？可能因为新开冇几耐既缘故，等候既人数都几多，要拎筹等位，好彩都等得吾算耐。首先叫左个带子粒粒炒饭，妈呀你系咪黎错𩠌我要既系炒饭吾系糯米饭wo，算啦照食，真系有啲咸，食完又冇饱肚既感觉，唯独系带子粒既份量尚算ok。第2味叫左个海鲜炒拉面，有番啲镬气，海鲜有鲜鱿、鱼柳等等，基本上有1/3都系葱，味道还好但完全厄秤卖相似茶记既炒面⋯⋯又一个伏，原本对呢个真系几大期望，因为喺上海菜当中糖醋鱼块都算系我最中意既菜式入面占一席位，试完第1旧简直已经想讲粗口，食落去几乎全部都系炸粉！仲要有成一半系青椒戈啲，吾比劣评你简直对自己吾住最后一味小笼包已经系最正常，但亦吾系超卓既味道，个皮做得ok，汤既咸度适中，但里面吾多肉亦吾多汤。服务方面又系可以以「一绝」黎形容，叫侍应斟水，叫到第2次戈阵就话转头过黎，系就系转头，不过系转个头冇左回事叫左第3次先系真 • 斟水，但想赞下负责接待戈位哥哥，几好礼貌。