椰林苑

营业中

休息中

新店开左冇耐，街坊点都要试一试，一至日都系同价，最贵时段都系 $198，麻辣鸡煲出便食得太多，今次先试下佢个花雕醉鸡锅。6 点几去到，系第一台客，2 个人坐低，好好招呼，。原来汤底同鸡是分开上的，鸡有半只，都几大，不过佢好似冇话鲜鸡定冰鲜，我都唔识分，不过卖相都几靓仔，汤底有淮山、杞子、红枣，都几重药膳味，唔错，而且每次都唔系加水，系加汤，食到尾加左 2 次都仲好重药膳味，赞 ！肥牛系安格斯牛肩胛，偏瘦，不过睇翻价钱，就唔可以同和牛、牛小排果 d 比，但都唔韧，另一款美国肥牛就同烟肉差唔多，肥瘦 50/50，预期之内，纯粹叫黎试下。又有鲩鱼腩/片，脆鲩腩/片都几出色，鹅肠、花姿片非常爽口，其余丸类都系一般佳宝货色，饮品款式都有 10 多款，还有蓝冰、龙堡啤酒都系任饮。可能新开张关系，楼面招呼非常周到，由入座、途中跟单、周围同客人吹水、到埋单都好好。当大家乐/大快活迫迫夹夹 2 个人火锅叫多少少都要 2 旧几，等个酒精火种由饱等到肚饿既时候，最贵都系 $198 绝对对得住呢个食物质数啦。仲有几个烤鱼汤底，有机会试埋佢。