Parkview (新都會廣場) (已結業)

Lunch time周围都好多人等位，见呢间即刻有得食就试下。有set lunch, 但价钱唔平，转餐仲要另外加$25。.烧春鸡 - 芥末汁几香，都几夹只鸡。不过春鸡就唔算好滑，份量适中，但配菜得薯仔就有啲单调。.杂扒餐 - 牛扒好老，太熟，牛肉味又唔算浓。虾都大只，不过唔够味。如果呢碟野二百蚊，我会觉得似茶记杂扒质素但西餐厅价钱。.椰菜花汤 - 呢个汤唔错，唔会好多面粉𠮶种质地，都滑身。味道就有少少淡，不过都还可接受。