點一龍 (海港城) (已結業)

夜晚同屋企人去睇戏，睇戏前先医饱个肚，为咗免费泊车早系海港城食埋。耐无饮茶一于就食呢间点心，等咗十几分钟终于有位。劲肚饿叫咗小菜同埋点心、炒饭。佢哋嘅排骨好好味，唔会有雪藏味！最后叫咗两笼排骨！黑松露小笼包，因为本人唔钟意食黑松露，屋企人食完话一啲黑松露味都冇，我就试下，点知真系一啲黑松露味都冇！人生第一次食到虾饺入边有水仲要都几多！我特登饮一啖试吓，系无味既水！我怀疑系啲虾未融雪就拎去包，然后蒸完就咁多水呢三样都系唔错可以一试。呢个炒饭唔系好够味左边𠮶碟芥兰淡而无味，右边𠮶条蒸鱼又几清甜，我哋就将左边嘅素菜点右边嘅酱油黎食值得一赞嘅系啲鱼都几滑。呢个什么龙虾汤虾饺完全名不符实，个汤系蕃茄味而唔系鲜味！最后，你饮茶真系唔应该饮其他饮品，好普通嘅台式饮品都可以唔好饮。