南豐餐廳小廚

营业中

休息中

嚟到街坊茶记食早餐，叫咗个鲜奶蛋白麦皮同埋蛋牛治，鲜奶蛋白麦皮无糖，可以自己加糖，方便自己控制糖嘅份量，呢样唔错。然后蛋牛治嘅蛋炒得好滑，而且有半山熟嘅感觉，食落有油香，咸牛肉都炒得好嫩滑，个蛋牛治都几高质。而且跟餐仲送咗杯柠檬水，杯柠檬水又冇带苦味，因为惯咗唔落糖，所以好怕苦味，但系佢就有好浓柠檬香味。而且侍应做嘢好快，一入到去已经即刻问你食咩，落左单之后唔使5分钟已经即刻想到碗麦皮，啱晒赶时间嘅打工仔，而且呢间茶记嘅卫生都唔错，见佢地下都几干净，啲碗碗碟碟都无污糟，今次食呢个早餐都用咗$35 ，我觉得都算系可接受嘅价钱，下次有机会会再试吓另一啲早餐款式。