在家居酒屋 (已結業)

大围区较为有质素嘅日本料理唔多，几年前帮衬过一次，印象唔错，系值得支持嘅小店。平日有午市套餐，点了滑蛋猪扒饭，跟味噌龙虾汤同沙律。似乎质素比以前下滑了。其实跟大部份香港嘅日式餐厅一样，滑蛋猪扒饭里面嘅蛋并唔滑，系全熟蛋。跟餐嘅味噌龙虾汤唔错，有龙虾味，不过沙律嘅dressing唔够，好似食紧净菜咁样。虽然系日本米，但系米粒松散，勉强可以夹起嚟，猪扒正常。原来午市都有+1收费，但系餐牌上面并没有清楚列明。最后埋单$86 ，以呢个地区位置，午市收呢个价钱，应该有其他更好嘅选择。