101手工涮涮鍋 (已結業)

身为一个打边炉的狂迷，真系日日打边炉都无问题架，无论咩朋友约我食饭，只要我可以话事，我都一定会简打边炉！！而今日终于都轮到呢间台式火锅：101手工涮涮锅喇！一去到带位姐姐问搭唔搭枱？下，打边炉都有得搭枱？🤔但碍于太肚饿同想见识下打边炉可以点搭枱嘅关系，我地接受左呢个提议，上到去原来系一个大房，十二人大枱，有两个电子炉，除左我同朋友，另外加埋一家三口就一齐share左间咁大嘅私家房喇！仲私家到连想叫待应都叫唔到架。野食无想像中咁好，汤底简左三杯鸡卜卜蚬，三杯鸡味就无咩，不过蚬都几新鲜。唯独系安格斯霜降牛丸有啲印象，觉得牛味几浓之外，其余全部配料都是系普通野，如果以价钱同质素黎讲就真系唔系咁抵喇