影片
更多
2023-01-28
204 浏览
话说小弟昨晚同小儿两人到大埔昌运中心京都酒楼食晚饭。（年初六）七时。一入到去得𠮶几枱客,深知不妙,新年流流,周围食肆都排满人,系得呢间咁小人,即刻觉得伏伏哋,不过算啦,睇到openrice有成5粒星,又想静啲同个仔（13岁）撑枱脚,咁咪入去坐低啦。 一望个餐牌,即刻唔开胃!小菜得𠮶10款左右,大部份都系啲6人,8人....套餐！完全冇乜选择。新年我都知选择系小, 主要系做套餐揾钱!但都年初六啦,都应该正常返啦! 都唔紧要,咁我个仔话想食!咁我就叫咗一个脆皮咕噜肉,蜜 饯牛柳粒,半只南乳吊烧鸡! 价钱当然比平时贵,都唔紧!要由$168至$188不等! 新年食得开心啲,好啲,畀多啲钱!呢个系定律啦! 点知第一碟咕噜肉嚟到,一pat浆糊咁样!散收收,淡茂茂, 啲咕噜肉加埋唔够十嚿。每一嚿系细个手指尾第一节. 相信出面任何一个两𩠌饭,都好过佢,靓过佢,多过佢! 上菜嘅时候,个侍应就咁成蝶飞落嚟,争啲倒晒落枱度添!! 𠮶阵时我都已经有少少嬲! 完全冇 镬气,成碟垃圾咁!牛柳粒加埋唔够八粒, 每一粒又系细个手指尾第一节! 我个仔话算啦,都几好食呀, 我又忍佢！ 直到爆发点,第三度菜,南乳吊烧
一望个餐牌,即刻唔开胃!小菜得𠮶10款左右,大部份都系啲6人,8人....套餐！完全冇乜选择。新年我都知选择系小, 主要系做套餐揾钱!但都年初六啦,都应该正常返啦! 都唔紧要,咁我个仔话想食!咁我就叫咗一个脆皮咕噜肉,蜜 饯牛柳粒,半只南乳吊烧鸡! 价钱当然比平时贵,都唔紧!要由$168至$188不等! 新年食得开心啲,好啲,畀多啲钱!呢个系定律啦!
点知第一碟咕噜肉嚟到,一pat浆糊咁样!散收收,淡茂茂, 啲咕噜肉加埋唔够十嚿。每一嚿系细个手指尾第一节. 相信出面任何一个两𩠌饭,都好过佢,靓过佢,多过佢! 上菜嘅时候,个侍应就咁成蝶飞落嚟,争啲倒晒落枱度添!! 𠮶阵时我都已经有少少嬲! 完全冇 镬气,成碟垃圾咁!牛柳粒加埋唔够八粒, 每一粒又系细个手指尾第一节! 我个仔话算啦,都几好食呀, 我又忍佢！
直到爆发点,第三度菜,南乳吊烧鸡! 仲要两同色,分明就系六神合体! 积木鸡！ 跟住个侍应放低咗碟豉油畀我, 我都觉得怪怪哋㗎啦,跟住我就揾番𠮶个侍应埋嚟问佢, 呢个系咪南乳吊烧鸡？点解畀碟豉油我？ 跟住个侍应话可能佢畀错碟豉油我,佢话攞返碟南乳汁畀我㖞!跟住我问呢个明明系炸子鸡,唔系南乳吊烧鸡嚟㗎㖞!跟住佢就好 噩然咁望住我,就攞个餐牌左揾右揾, 唔知喺度做乜。跟住我话,我头先同你一齐指住个南乳吊烧鸡个number 嚟落单,点解会变咗脆皮炸子鸡嘅? 咁我再问佢,即系南乳吊烧鸡,同炸子鸡基本上系同一样嘢??只不过系碟酱油有分别啫,系咪咁样呀? 跟住我已经发火话,咁如果我叫只豉油鸡,你畀咗只白切鸡我,咁系咪就咁畀碟豉油我点返,就叫做豉油鸡呀?! 个侍应唔识答我,佢话转头揾经理同我解释!
之后有个声称女主任嘅埋嚟同我讲,可能师傅 腌制南乳吊烧鸡时比较轻手啲,惊啲味重手㖞 所以冇南乳味跟住我话见开啲鸡畀佢睇根本,就冇南乳味啫! 我翻开啲鸡畀佢睇 ,又干,又柴皮,一啲南乳味都冇㗎㖞! 分明就系一只炸子鸡 ,同埋我话我喺出面食过南乳吊烧鸡根本就唔系咁,我唔知你呢一度系咩乡下,咩做法! 我话而且啲鸡都唔同色,分明就系积木鸡！ 唔系同一只嚟㗎! 跟住佢又话系咪落单嘅时候点错,跟住我就俾个餐单佢睇,你成张餐单都冇脆皮鸡呢个𩠌,只系得南乳吊烧鸡,咁又点会我落到有脆皮鸡呢个单呀? 跟住佢都冇声出,就即刻话拎走,取消呢个𩠌啦！ 成件事其实好简单,我知道你哋酒楼新年系唔稀罕我哋呢啲三,两个人上去食一两个小菜嘅小数目!但系你都尊重返你哋酒楼嘅水准啦,啲𩠌仲衰过两𩠌饭,但系收双倍价钱,有时仲要三倍!又要加乜加乜!咁你都要对得住啲食客先啦,如果系出错,冇嘅唔紧要,你出声同我哋讲,我哋会改叫过第二样,唔好喺度左揾藉口,右揾藉口！喺度仲好似好唔满意咁样!我谂我以后亦都唔会再嚟呢间酒楼食嘢,包括其他分店! 最后埋单差唔多成七百蚊,只不过系食咗一个咕噜肉,牛柳粒, 一碟烧腩仔(后改要呢样,三个白饭,加两个茶位!🤫💀☠️💩
张贴