影片
更多
2021-12-27
526 浏览
本身book咗8点钟食饭，见早咗到就睇吓可唔可以早啲入座，点知职员都系叫我哋准时先可以安排入座，咁早到未有位坐呢样我地都可以理解。但我地行到够钟落返去间舖头都要等成廿分钟先有位，仲要唔问都唔安排。好啦，之后打开menu睇，发现原来同几年前嘅完全唔同晒，掀咗几次都完全拣唔到食咩。最无言系佢个餐牌有分普通价同埋会员价，但佢个会员价系完全唔make sense，一碟普通嘅意大利粉都要成四百几五百几蚊，而佢个会员价个价钱就比较合理，不过就要人哋加成$1500做佢哋会员先有得享用个会员价⋯实在拣唔到叫咩嘢食，所以最后叫咗个鸡扒松露意大利饭，心谂应该冇死啦，然后份野嚟到真系呆左，个卖相同张相完全唔同，最离谱系我阿妈叫咗西兰花鸡肉长通粉，但卖相劲似茶餐厅碟头饭咁⋯话晒都系西餐厅点解会咁⋯好讲返𠮶鸡扒松露意大利饭，个份量虽然系好大，有两份大块鸡扒，但个饭得一执仔，仲要系𠮶饭同鸡都超级超级咸，𠮶鸡仲要完全冇肉味，识落个口感似食紧鸡肉肠咁，食落系好爽口，唔似系肉𠮶种质感，怀疑唔知系咪用合成肉整出嚟，然后我问屋企人佢哋叫𠮶啲嘢食味道如何，佢哋都话好难食好咸！因为实在太难食，我哋连影相嘅心情都冇。净系影咗小童
好啦，之后打开menu睇，发现原来同几年前嘅完全唔同晒，掀咗几次都完全拣唔到食咩。最无言系佢个餐牌有分普通价同埋会员价，但佢个会员价系完全唔make sense，一碟普通嘅意大利粉都要成四百几五百几蚊，而佢个会员价个价钱就比较合理，不过就要人哋加成$1500做佢哋会员先有得享用个会员价⋯
实在拣唔到叫咩嘢食，所以最后叫咗个鸡扒松露意大利饭，心谂应该冇死啦，然后份野嚟到真系呆左，个卖相同张相完全唔同，最离谱系我阿妈叫咗西兰花鸡肉长通粉，但卖相劲似茶餐厅碟头饭咁⋯话晒都系西餐厅点解会咁⋯
好讲返𠮶鸡扒松露意大利饭，个份量虽然系好大，有两份大块鸡扒，但个饭得一执仔，仲要系𠮶饭同鸡都超级超级咸，𠮶鸡仲要完全冇肉味，识落个口感似食紧鸡肉肠咁，食落系好爽口，唔似系肉𠮶种质感，怀疑唔知系咪用合成肉整出嚟，然后我问屋企人佢哋叫𠮶啲嘢食味道如何，佢哋都话好难食好咸！
因为实在太难食，我哋连影相嘅心情都冇。净系影咗小童嘅汉堡餐，呢个餐都要成$100。但真心，以个包嚟讲，M记都靓仔过佢⋯完全唔知佢值嘅价钱喺边😵
最后埋单，职员系咁说服我哋用$1500买会员，话可以平一半。你系好食就话啫，但问题系你间店啲嘢真系好难食，要人点样去买？
然后佢自己间店系有个普通会员可以免费申请，咁就可以全单八折，但同职员讲嘅时候，佢竟然唔知道，仲话冇呢样嘢，系咁叫我哋用$1500买就有折扣优惠。最后比返间店个app佢睇，佢先死死气俾返个八折我哋⋯
冇谂过冇去几年，Ruby Tuesday 嘅质素下降咗咁多，好挂住以前佢𠮶个沙律吧，𠮶阵真系好好食，而家冇沙律吧我都可以理解，但其他嘢食应该要加钱合理同埋好食先系！而呢餐应该系我食过2021年最难食嘅西餐，仲要每份嘢食都要二三百蚊，真系超级无敌失望啊🤯🥺
21 浏览
0 赞好
0 留言
张贴
