首爾石鍋燒

营业中

休息中

疫情前已经开始食呢间，当年感觉虽然略为有啲贵，但味道同质素都几好，算系我目心中喺女人街入面头几位好食嘅餐厅之一，但今日再去食，已经完全理解唔到个出品质素点解会差咗咁多，今日食完认真唔会再返转头。今日叫咗一份年糕+一个套餐+一份薯条小食，年糕非常咸，直头有味道冲击，食完个酱汁黏住喉咙好唔舒服；套餐方面，腌菜都系一如以往味道无乜问题，但个餐汤话就话系栗米萝卜汤，但一睇个样就知系罐头栗米羹，仲要只系暖暖地唔热；套餐主菜石锅饭，饭嘅状态好浆，除咗得韩式辣酱嘅味道之外，食唔到任何味道；小食嘅芝士焗薯条更令人失望，只系一滩芝士喺一堆唔脆嘅薯条上面，无任何香味，只有好咸嘅咸味。另外就系入座时明明都无乜人，但系都要搭枱咁座，我明白空间有限，但根本有咁多空位嘅时候点解仲要咁样安排？咁嘅体验埋单接近$220，呢餐饭非常失望！