影片
更多
2020-12-09
776 浏览
位于德士古道嘅越式餐厅，对正高速公路。如果唔系住附近，都未必识嚟呢头揾食。店内主打正宗越南菜，店内装修好简单，座位都几舒服。睇其他食评推介蟹膏汤粉，出面食蟹糕汤面起码都$70以上，呢到蟹糕粉同其他粉面一样，只系$54算好抵食，加冻柠茶$6。碗面睇落唔算好大，不过啲料多到堆晒上面，成碗火车头咁。傍边搭台嘅食客都问我食紧乜😂汤底香浓，有淡淡的蕃茄味。除咗蟹膏，里面仲有两块午餐肉咁大嘅扎肉，扎肉同平时超市买到的有啲唔同，口感比较丰富，似系自家制的！几嚿好入味嘅豆卜，索晒汤汁好正！推介里面嘅猪红同蕃茄，猪红腌得好入味好香口，口感滑溜，绝对食过返寻味！蕃茄都系索晒汤底，煮到淋晒，好入味。蟹膏就正常水准，份量都唔少，蟹味都够浓，不过反而无猪红咁入味。配料比主角出色！面入面仲有大量蔬菜、菜丝，够晒健康。檬粉同平时半透明嘅檬粉有啲唔同，质感似米粉。总括嚟讲$54呢个价钱咁嘅质素同份量真系无得输，推介！
位于德士古道嘅越式餐厅，对正高速公路。如果唔系住附近，都未必识嚟呢头揾食。店内主打正宗越南菜，店内装修好简单，座位都几舒服。
睇其他食评推介蟹膏汤粉，出面食蟹糕汤面起码都$70以上，呢到蟹糕粉同其他粉面一样，只系$54算好抵食，加冻柠茶$6。
蟹膏汤面
54 浏览
0 赞好
0 留言
碗面睇落唔算好大，不过啲料多到堆晒上面，成碗火车头咁。傍边搭台嘅食客都问我食紧乜😂汤底香浓，有淡淡的蕃茄味。除咗蟹膏，里面仲有两块午餐肉咁大嘅扎肉，扎肉同平时超市买到的有啲唔同，口感比较丰富，似系自家制的！几嚿好入味嘅豆卜，索晒汤汁好正！
超入味猪红
54 浏览
0 赞好
0 留言
总括嚟讲$54呢个价钱咁嘅质素同份量真系无得输，推介！
张贴
