影片
更多
2019-06-18
1146 浏览
约附近做野嘅朋友食lunch时间，上次同朋友食完lunch经过呢间餐厅，见门口有个牌写住5月中刚开张，所以今次就约实试下呢间。约莫12点半黎到，当时都唔算好多人，都仲有唔少吉位，拿拿临霸左张卡位，睇定餐牌等朋友黎会合。本身以为系餐厅，原来都算系快餐店。因为同大家乐、大快活果d分别唔太大，都系排队点餐，再揾位咁。2个人以上会好d，一人去点餐，另一个霸位，不过坐耐左就发现，满场飞d姐姐好主动，除左送餐，仲会帮人揾埋位。不过有好有唔好，我地食到一半，就俾D姐姐叫坐埋一边，因为饭市多人，而D4人卡位其实都逼逼地，我而家咁肥，有少少挤啦，加上张枱其实偏细，D野食会唔够位放，所以后半段食得辛苦D。餐牌选择好多……西式、台式、越式、港式常餐全部都有，真系估佢唔到。朋友快快手谂定食咩，就顺便出去买埋。买完就啰个牌等d姐姐帮手送餐，唔驶再排队去啰餐呢点好欣赏。皇牌焗猪扒饭 $59影相好似好大碟，其实同大家乐果d差唔多size，朋友话叫周围好多人叫，就八卦试下。我都试左，食落好香蓄茄味，猪扒都几松化，d汁好多，但又冇想像中咁好食㖞，似系不过不失，普通左d，呢个价钱我就觉得贵左少少。沙嗲牛肉面+葱花火腿炒蛋
约附近做野嘅朋友食lunch时间，上次同朋友食完lunch经过呢间餐厅，见门口有个牌写住5月中刚开张，所以今次就约实试下呢间。约莫12点半黎到，当时都唔算好多人，都仲有唔少吉位，拿拿临霸左张卡位，睇定餐牌等朋友黎会合。
本身以为系餐厅，原来都算系快餐店。因为同大家乐、大快活果d分别唔太大，都系排队点餐，再揾位咁。2个人以上会好d，一人去点餐，另一个霸位，不过坐耐左就发现，满场飞d姐姐好主动，除左送餐，仲会帮人揾埋位。不过有好有唔好，我地食到一半，就俾D姐姐叫坐埋一边，因为饭市多人，而D4人卡位其实都逼逼地，我而家咁肥，有少少挤啦，加上张枱其实偏细，D野食会唔够位放，所以后半段食得辛苦D。
餐牌选择好多……西式、台式、越式、港式常餐全部都有，真系估佢唔到。
朋友快快手谂定食咩，就顺便出去买埋。买完就啰个牌等d姐姐帮手送餐，唔驶再排队去啰餐呢点好欣赏。
皇牌焗猪扒饭 $59影相好似好大碟，其实同大家乐果d差唔多size，朋友话叫周围好多人叫，就八卦试下。我都试左，食落好香蓄茄味，猪扒都几松化，d汁好多，但又冇想像中咁好食㖞，似系不过不失，普通左d，呢个价钱我就觉得贵左少少。
沙嗲牛肉面+葱花火腿炒蛋+脆猪 $49 + 肉燥生菜 $10我就试左常餐，脆猪好好食，焗到刚刚好，同朋友share一半，大家都食唔停，奶油份量适中，唔会感觉成口都系酱，脆猪外脆内软，唔会焗到似石头咁硬。葱花火腿炒蛋都系普通野，少少葱花有d质感，蛋唔会太熟，火腿丝都尚算多。沙嗲牛肉面就一般，因为我食牛肉时有少少冻，要浸浸d汤先好d，所以观感就麻麻地，但整体都叫OK。肉燥生菜，好多肉燥&好少生菜，下次未必再叫。
张贴
