港畔餐廳 (已結業)

港畔餐厅自助晚餐系香港数一数二贵嘅自助餐，对佢嘅期望当然高一啲，呢间餐厅地方唔算大，装修亦唔算突出，服务就系五星级，另附送180度全海景，都算佢啦。自助晚餐包一杯果汁或餐酒和餐后咖啡或茶。食品方面，大家嘅焦点会系海鲜，不过呢度无生蚝供应，只有面包蟹，龙虾，螺，青口，长脚蟹，虾和刺身，海鲜和刺身质素，一定系比$5xx一位嘅自助晚餐高好多啦，鲜味都多啲 。而较特别嘅系佢有鹿儿岛和牛，同埋鹿儿岛黑牛即切即煎俾你食。热盘选择真系唔多，不过当中亦有鲍鱼海参带子同埋海鲜燕窝羹，如果你食得多，都可以番本。甜品方面，种类繁多，包括有佢哋嘅自制雪糕，最特别系佢哋个雪糕筒系精心炮制，样子可爱，同类型嘅雪糕筒雪糕，出面食都要$70两球，呢度系任食，食番三个筒六球都$210啦。