三ステーキ (已結業)

依家间餐厅已经系好多唔同嘅区域都有分店，自助式嘅经营、好似喺日本食饭咁样要喺卖飞机器到入钱攞飞，都系呢一间餐厅嘅特色嚟。牛肉方面有好多唔同价位可以俾你选择，无论选择边一款都系以石烧牛肉咁样嘅方式呈现，我觉得食石烧牛肉最需要注意嘅系要时时刻刻睇住牛肉嘅生熟程度，唔想过生或者过熟，又唔想块石烧到冇晒热力，第一样要做嘅嘢就系快快手影张概就算，然后唔好用电话咁样食饭～～不过如果你块石真系烧到冇晒热力嘅话，都可以联络职员同佢地讲声佢哋会帮你换！呢度最抵食嘅地方就在于可以无限添饭、汤同沙律，啱晒大食嘅朋友！