影片
更多
2015-03-21
188 浏览
呢间餐厅令我第一次想写食评,原来呢间"天后串烧"连openrice都无名,但既然系同一老板咁就一样啦本来谂住开开心心同男朋友食一餐真系多得呢间野唔少,因为令我地有个咁"难忘+难受"既回忆以后都要小心选择同埋学识食野都要影相为证(如果唔系俾人屈都系你问题)原本一直去天后食开都系去串够味但系因为今晓实在太多人排队喇所以我地先选择入左黎呢间"天后串烧"首先,我地坐左系餐厅较入既位置<<<已经系俾人忽视既区域,因为长期嗌唔到人!!!>>>然后都知因为串烧等候时间耐,所以我地一边倾计亦都无追单首先黎左第一碟3串串烧, 一放低我就问系咩黎呢个侍应就好远咁叫过黎"1串牛1串羊1串牛舌"其实我地划单时嗌左2串羊不过一食既时候发现个羊肉好鞋,我仲同男朋友讲"好彩佢黎得1串姐,都唔好食既"其实一向都有影D食物相既习惯但见到佢地上台D卖相真系无想影既意欲然后嗌左个牛肉锅第一次食SUKIYAKI个汤底系咸既而佢跟果个白饭,男朋友一睇就知系叮出黎既总之就系难食...最后因为D野上得慢都食左成粒钟发现仲有条秋刀鱼未黎正谂住都够饱就算喇想埋单既时候条鱼就上左台卖相,好
呢间餐厅令我第一次想写食评,
原来呢间"天后串烧"连openrice都无名,
但既然系同一老板咁就一样啦
本来谂住开开心心同男朋友食一餐真系多得呢间野唔少,
因为令我地有个咁"难忘+难受"既回忆
以后都要小心选择同埋学识食野都要影相为证(如果唔系俾人屈都系你问题)
原本一直去天后食开都系去串够味
但系因为今晓实在太多人排队喇
所以我地先选择入左黎呢间"天后串烧"
首先,我地坐左系餐厅较入既位置<<<已经系俾人忽视既区域,因为长期嗌唔到人!!!>>>
然后都知因为串烧等候时间耐,所以我地一边倾计亦都无追单
首先黎左第一碟3串串烧, 一放低我就问系咩黎呢
个侍应就好远咁叫过黎"1串牛1串羊1串牛舌"
其实我地划单时嗌左2串羊
不过一食既时候发现个羊肉好鞋,
我仲同男朋友讲"好彩佢黎得1串姐,都唔好食既"
其实一向都有影D食物相既习惯
但见到佢地上台D卖相真系无想影既意欲
然后嗌左个牛肉锅
第一次食SUKIYAKI个汤底系咸既
而佢跟果个白饭,男朋友一睇就知系叮出黎既
总之就系难食...
最后因为D野上得慢都食左成粒钟
发现仲有条秋刀鱼未黎
正谂住都够饱就算喇
想埋单既时候条鱼就上左台
卖相,好细条同好幼,都唔紧要
男朋友将佢分开2边然后起左D骨先夹俾我食
点知我一食,条鱼系又干又鞋
未食过咁难食既秋刀鱼
因为佢好明显系OVERCOOK左
我自己BBQ烧果D都仲好食过佢
好啦,呢个时候我男朋友就话
难食到咁唔好食喇叫人取消然后埋单啦
又嗌左好耐终于嗌到人黎啦
男朋友同侍应A讲条鱼烧得太耐太干想取消
侍应A反应非常快话"烧就一定系干咖㖞,你想食湿丫??无得取消咖㖞"
我"其实系干到好鞋,不如叫师父自己试下啦"
然后无几耐又嗌左侍应B黎又话无得取消
我男朋友已经好不满但都谂住算同佢讲
"如果你地唔肯取消唔紧要,我地照埋单"
B又话"你地而家食左一半先黎取消??"
我"条鱼只系翻开左,我食左一啖咋㖞!!!"
然后个侍应B就好大声咁同A讲"即系佢地而家唔想买单丫??"
我"我地头先咪讲左你唔取消我地照买你系咪听唔到丫??"
OK,到最后印左张单出黎
张单印住黎左2串羊肉串
咦~我地明明只系食左1串
同佢讲啦,A竟然话"我地厨房D单出齐晒,你地系食左2串㖞!!!"
我话"上台果时我问咩黎,你地仲应我1串牛1串羊1串牛舌,咁点会食左2串丫??"
佢仲问返我系边个拎黎,大佬,我点会记得丫
之后佢地无论如何都话唔会取消返
但我地无食过点解可以屈个客人呢???
我觉得食物质素唔够好唔紧要
客人想取消你地咁样态度话个客人都可以算
但系咁样两个一齐话返个客讲大话真系第一次遇到
成件事加埋我真系接受唔左到
我同我男朋友讲我要报警处理
因为同呢度D人去嗌根本就无办法解决
然后侍应A就睇闭路电视睇下会唔会见到碟串烧既情况
但后尾又话因为我地张台系角落唔会影得到㖞
我男朋友最后一次同佢地讲"单我地会照埋,但无黎过既野唔会俾钱,有问题就报警"
个侍应A听完之后就印张单埋黎
系取消左果串既价钱
然后佢仲要好差语气咁话"果一串钱我自己硬出黎啦!"
下??!!!取消左都仲要你硬出黎
我无食过关我咩事丫???
呢间野既态度可以令个客人食到一肚气
仲可以屈个客人一次又一次
根本无服务可言,点样开门口做生意呢??
我最后终于明白点解呢间无人等!!!!
真心希望所有想帮衬既人唔好入去
唔想再有其他受害者!!!
题外话/补充资料：
一间餐厅食物好唔好食都系其次
但系个老板请著呢D员工就真系帮自己倒米
又黑面又啤又态度恶劣
呢D唔系叫服务员因为佢地根本唔识咩叫服务
如果佢遇著D又恶又凶既客人系咪都仲会咁屈人地呢???
(以上食记乃用户个人意见 , 并不代表OpenRice之观点。)
张贴