嘉興餐廳

营业中

休息中

第一次打食评，睇得辛苦多多见谅我本身对食物既要求唔高，但今日喺嘉兴落单到食成个过程真是好失望，我本身好小出街食饭，但因为疫情关系家人冇出去买𩠌，所以转为食外卖，见到嘉兴系屋企附近谂住试吓，一入到门口谂住落单，唔知𠮶个系咪老板娘，成个唔忧做既样，讲嘢又冇礼貌，我都算继续落单，叫咗三个咖喱一个海南鸡饭外卖拎走，我行返屋企嘅路程唔使3分钟，我返到屋企一开我盒海南鸡饭，先唔讲味道，成个饭同埋鸡都系冻，搞到我又要整返热先食，啲鸡基本上都系头头尾尾仲要唔多，用劲多酸菜浪起啲鸡博好睇啲，想揾一够多肉啲咬啖嘅都冇，菜心就劲大扎，啲饭仲要有黑色，讲完个海南鸡讲埋我屋企人嘅咖喱，又系唔系好热，一食落去剩系得个咸字完全冇咖喱味，一啖咖喱直头要食几啖饭，鸡扒猪扒又老咬落去好鞋，个鱼柳好似落咗劲多面粉咁样，咬落去唔讲都唔知食紧炸鱼，都唔争在讲埋杯嘢饮，杯冻奶茶细杯都唔再讲，仲要全部都系冰饮两啖都冇，除咗出餐快我叫咗唔够2分钟就出到俾我，我都谂唔到呢间野仲有咩优点，我够胆讲就算全西环剩返呢间野我都唔会再帮衬，因为真系好恶劣，如果唔系我都唔会特登出post讲，多谢各位睇完。