影片
更多
2007-12-24
17 浏览
寻晚唔知食咩好, 行黎行去, 最后师傅突然间好想食米线, 于是乎想起呢间食店, 心谂都好耐冇食过喇, 所以决定黎呢度食番餐!入到去人唔算多可能比较夜关系啦, 坐底睇左一阵, 最后师傅决定要炸酱, 龙虾丸同鲜虾云吞配中辣, 而友人就要午餐肉, 红肠同猪扒再加一碟蟹子芝士丸, 一杯冻柠茶同一杯冻柠七!等左一阵两碗米线分别奉上, 先讲下师傅碗, 炸酱卖相一d都唔吸引, 系一d肉碎咁, 就咁食就唔好味, 又咸又干, 但系连埋个汤同d米线一齐食又出奇地好味㖞, 咁食就一d都唔咸, 可以啦; 龙虾丸得两粒, 可能系龙虾比较贵关系所以少d啦, 不过龙虾丸就几爽口同几香, 几好味; 鲜虾云吞就有三粒, 皮薄个馅都可以, 只虾都几爽, 不过猪肉就多左d同埋干身左少少, 如果以米线食店黎讲师傅都收货喇; 午餐肉就冇咩特别; 而红肠就煎得好香, 都几好; 猪扒就一块连骨, 几入味同几松, 可以㖞; 而芽菜就好爽口, 米线就煮得好, 唔会太腍又唔会太硬, 连埋一齐食都几惹味; 而汤底就酸酸辣辣咁, 都几好味, 不过就几重味精, 食完后真系不停咁饮水! 至于个蟹子芝士丸就一碟有六粒, 蟹子芝士丸炸得好香, 咬开
入到去人唔算多可能比较夜关系啦, 坐底睇左一阵, 最后师傅决定要炸酱, 龙虾丸同鲜虾云吞配中辣, 而友人就要午餐肉, 红肠同猪扒再加一碟蟹子芝士丸, 一杯冻柠茶同一杯冻柠七!
等左一阵两碗米线分别奉上, 先讲下师傅碗, 炸酱卖相一d都唔吸引, 系一d肉碎咁, 就咁食就唔好味, 又咸又干, 但系连埋个汤同d米线一齐食又出奇地好味㖞, 咁食就一d都唔咸, 可以啦; 龙虾丸得两粒, 可能系龙虾比较贵关系所以少d啦, 不过龙虾丸就几爽口同几香, 几好味; 鲜虾云吞就有三粒, 皮薄个馅都可以, 只虾都几爽, 不过猪肉就多左d同埋干身左少少, 如果以米线食店黎讲师傅都收货喇; 午餐肉就冇咩特别; 而红肠就煎得好香, 都几好; 猪扒就一块连骨, 几入味同几松, 可以㖞; 而芽菜就好爽口, 米线就煮得好, 唔会太腍又唔会太硬, 连埋一齐食都几惹味; 而汤底就酸酸辣辣咁, 都几好味, 不过就几重味精, 食完后真系不停咁饮水! 至于个蟹子芝士丸就一碟有六粒, 蟹子芝士丸炸得好香, 咬开一半就见到好多芝士里面, 而d芝士就好香但一d都唔漏, 得㖞; 至于杯冻柠茶就好甜同冇茶味, 几差下!
总括黎讲食物质素一般, 环境一般, 服务又系一般, 不过价钱就偏贵, 十八蚊一碗米线仲要系冇, 要一个加四蚊, 要左三个就要加十二蚊, 即系一碗米线要成三十蚊, 都咪话唔贵, 要杯饮品加三蚊, 特饮就六蚊, 再加埋个小食就廿蚊, 埋单八十九蚊都几贵! 师傅发觉佢地真系冇改错名架, 咁贵价米线, 下次就真系未必会黎喇!
张贴