一鳴燒 (已結業)

夜晚9点先食饭，见呢间有6折，就黎试下啦。环境整洁，灯光系暖色系，所以之后影出黎啲相都较黄。虽然有啲肚饿，但见menu单价都较贵，所以只系叫左7样野。第一碟上台嘅竟然系野菌黑松露炒乌冬，味道都几好，略嫌乌冬太碎。呢个鱼干喺第2间店食过系好好食，可惜今次令我失望，烧得太干同无味。焗扇贝太太太细只了，$75未免太贵。牛舌芯好淋几好味，唔错!饺子鸡翼味道正常，烧得几靓，起码无㶶。翠玉瓜如果份量多啲，会物有所值啲。几样野食黎讲，烧羊架嘅味道/份量/价钱都相对地性价比高。