新記煲仔雞粥 (已結業)

呢段时间好多地方都有做外卖自取优惠，新记煲仔鸡粥都有八折。今次系第一次帮衬新记，买咗两样外卖回家，鱼腩猪润粥及贵妃鸡饭。鱼腩猪润粥粥底好味，又棉，依家好多粥店都已经变成米水粥，揾唔到几多粒米，新记啲粥真系唔错，鱼腩好味又滑，猪润略嫌薄咗啲，所以煮熟咗之后偏硬。贵妃鸡饭估唔到贵妃鸡咁好味，咸香惹味，忍唔住要食多两啖好多人喺门口等外卖，服务员姐姐系包装外卖方便好乱好乱，我系经外卖平台落order，佢叫嘅Number，根本就唔系外买平台提供嘅order code，要自己金睛火眼咁望住姐姐打包装，远观佢𠮶张单据，先至估到系叫自己，跟住姐姐就会叫你自己睇清楚张单据系唔系你嘅，个名系你嘅就攞走啦！