影片
更多
2013-11-11
346 浏览
放工谂住系新蒲岗试下啲新野，知道mikki对面开左间手工点心店就尽管一试，点知......超级失望！未入铺门时比佢地门口啲相吸引著「铁板煎酿茄子」「流沙煎堆」重有出面写住既腊味/凤爪大煲饭。入到去叫左「铁板煎酿茄子」「牛肉球」同「腊味大煲饭」。先黎个「铁板煎酿茄子」，完全唔明同平时酒楼果啲有咩分别，只系将啲整好左既煎酿茄子放落个唔太热既铁板度，味道好淡，酒楼十几蚊重好味过佢，但佢呢度就要$20。牛肉球无咩特别，唔出色，都系果句，酒楼重好味啲。到重点「腊味大煲饭」，系未食呢个饭之前隔离有两枱客闹紧个饭，话明明写「大煲饭」（可能名取巧，令某啲人以为系煲仔饭）但其实佢只系用煲载着啲饭去蒸，两枱客都嘈话你收咁既价钱$38但比蒸饭，又叫左做「煲饭」。去到呢度，本来本人并唔执着啲饭煲定蒸（觉得都系差唔多姐）但结果到我食既时候.......（无言）一. 饭无煲仔饭干身（都预左，所以算）二. 啲饭如果唔落豉油根本一点味都无（因为啲腊味完全唔入味）三. 份量唔大四. 腊肉好轫其实间野虽然系mikki对面，价钱预左比同区同类食肆会贵啲，但估唔到质素同价钱反差咁大。其实同区附近既酒楼/点心店价钱平过呢间3分
放工谂住系新蒲岗试下啲新野，知道mikki对面开左间手工点心店就尽管一试，点知......超级失望！
未入铺门时比佢地门口啲相吸引著「铁板煎酿茄子」「流沙煎堆」重有出面写住既腊味/凤爪大煲饭。
入到去叫左「铁板煎酿茄子」「牛肉球」同「腊味大煲饭」。先黎个「铁板煎酿茄子」，完全唔明同平时酒楼果啲有咩分别，只系将啲整好左既煎酿茄子放落个唔太热既铁板度，味道好淡，酒楼十几蚊重好味过佢，但佢呢度就要$20。牛肉球无咩特别，唔出色，都系果句，酒楼重好味啲。
到重点「腊味大煲饭」，系未食呢个饭之前隔离有两枱客闹紧个饭，话明明写「大煲饭」（可能名取巧，令某啲人以为系煲仔饭）但其实佢只系用煲载着啲饭去蒸，两枱客都嘈话你收咁既价钱$38但比蒸饭，又叫左做「煲饭」。去到呢度，本来本人并唔执着啲饭煲定蒸（觉得都系差唔多姐）但结果到我食既时候.......（无言）
一. 饭无煲仔饭干身（都预左，所以算）
二. 啲饭如果唔落豉油根本一点味都无（因为啲腊味完全唔入味）
三. 份量唔大
四. 腊肉好轫
其实间野虽然系mikki对面，价钱预左比同区同类食肆会贵啲，但估唔到质素同价钱反差咁大。其实同区附近既酒楼/点心店价钱平过呢间3分1，但质素远远好过呢间！而且呢度连最基本既茶水都唔好饮，真系好难会再去。
张贴
