影片
更多
2013-11-16
3391 浏览
11月11日光棍节!正系小妹既生日,同男朋友过左一个浪漫开心快乐既生日,小妹同男友都好喜欢周围揾好野食,今次简左位于赤柱既boat house,一间蓝色既屋仔,一个好有特色既欧陆建筑物!细心既男友一早订好位,侍应安排左我地系2楼露台,我好满意个位啊,对住个大海景,饮住杯白酒!!!未食先加分!第1样我地叫左一个吞拿鱼沙律,好特别,因为粒粒吞拿鱼外层都有红色既香料包住,我问过侍应,她答我系墨西哥红木种子制成既酱.又学多样野啦!!面头重有好像鱼子酱既野,食落有D黑醋味,食真d原黎系黑醋啫喱黎既!唔知点样先可以整到鱼子酱咁既形状呢?唔错唔错,坊间小见既用心之作第2样系叫左2个汤啦,1个系周打蚬汤,1个系蕃茄什菜汤周打蚬汤一定要试,蚬味真系好浓郁,好好饮,唔似出面果d好多都净系求其打个忌廉汤底加d蚬肉就算什菜汤都正,仲随汤跟左块蕃茄多士同一小兜pesto 酱第3样系一个西班牙辣肉肠拼盘,我都唔知呢味应该算系西班牙加意大利混合拼盘,定系算地中海拼盘,辣肉肠煎得好香口,有两块番茄意式多士仲有一兜十几粒既青色同黑色油浸橄榄,总之送酒一流!第4样终于等到我最钟意食既三文鱼来喇果然无令我失望,三文鱼煎到7
11月11日光棍节!正系小妹既生日,同男朋友过左一个浪漫开心快乐既生日,小妹同男友都好喜欢周围揾好野食,今次简左位于赤柱既boat house,一间蓝色既屋仔,一个好有特色既欧陆建筑物!
细心既男友一早订好位,侍应安排左我地系2楼露台,我好满意个位啊,对住个大海景,饮住杯白酒!!!未食先加分!
第1样我地叫左一个吞拿鱼沙律,好特别,因为粒粒吞拿鱼外层都有红色既香料包住,我问过侍应,她答我系墨西哥红木种子制成既酱.又学多样野啦!!面头重有好像鱼子酱既野,食落有D黑醋味,食真d原黎系黑醋啫喱黎既!唔知点样先可以整到鱼子酱咁既形状呢?唔错唔错,坊间小见既用心之作
第2样系叫左2个汤啦,1个系周打蚬汤,1个系蕃茄什菜汤周打蚬汤一定要试,蚬味真系好浓郁,好好饮,唔似出面果d好多都净系求其打个忌廉汤底加d蚬肉就算
什菜汤都正,仲随汤跟左块蕃茄多士同一小兜pesto 酱
第3样系一个西班牙辣肉肠拼盘,我都唔知呢味应该算系西班牙加意大利混合拼盘,定系算地中海拼盘,辣肉肠煎得好香口,有两块番茄意式多士仲有一兜十几粒既青色同黑色油浸橄榄,总之送酒一流!
第4样终于等到我最钟意食既三文鱼来喇果然无令我失望,三文鱼煎到7,8成左右唔会太熟岩岩好,顶头仲放左橙同西柚.跟既薯容都好好食,我同我男友试左好耐都试唔出入面加左D乜野,净系食到有烟肉同椰菜由于唔知餐牌写个汁系咩所以我问侍应有无得转龙虾汁,佢话平时如果要额外要求龙虾汁系要另外收费架,不过即管问下厨房主管啦,最后都转到无另外收到钱,嘻嘻~~生日大晒
第五样系我至爱既心太软,上面仲写左爱心字句,~~有朱古力,有云哩拿雪糕,有生果仲有开心果马格龙,好好食
另外男友叫左士多啤梨芝士乳酪杯,哇,个卖相真系好吸引!女生至爱,忍唔住系咁偷食男友果杯,入面仲有好多士多啤梨嫁,D士多啤梨又甜,D乳酪芝士唔会腻,混合好多脆脆既粒粒,个组合真系衬到绝!!!呢个系必食推介,附近食客见到个卖相都忍唔住要嗌番个黎试下!!!仲跟个青柠雪芭,食后可以中和味道..赞
张贴
