Spiaggia

营业中

休息中

趁放假，入赤柱游车河行下食下，一入赤柱大街，就见到呢间Spiaggia餐厅，因太多其他餐厅选择，所以就决定试下呢间。首先系龙虾汤，唔够热，比较稀同淡味，龙虾味唔够香浓。另外叫左芝士4重奏pizza, 店员话pizza饼底系自制既，食落都唔错，够薄脆脆地，偏硬身同干身，感觉似食紧热既浓厚芝士饼干，因为落左blue cheese, 所以会偏少少咸，建议配其他食物，例如沙律/汤，可以中和一下咸味。叫左杯Bloody Mary, 味道都唔错，个人觉得加多d 黑椒好味d, 西芹切得好求其。整体黎讲，认为呢间餐厅主要系食环境，因为对正个海，海景系几靓，海风几舒服，同埋天气好嘅时候感觉特别休闲，食物质素同服务态度都唔算十分好, 相信如果疫情过后坐室外，观景同感觉都会更加好，将来有机会都会再嚟坐outdoor感受一下赤柱。