原の味 (已結業)

情人不在港，周二晚又冇舞会，所以就应靓女约会，过海睇灯饰，顺便喺尖东一家佢常帮衬o既「原の味」度食潮派日式料理，一尝赤裸的秘密。餐厅楼底高高，装潢简单得黎又不失时代感，间隔开扬通爽，感觉轻松自在。适逢圣诞佳节，店内有不少精品摆设增添节日气氛。话哂唔系小肥地头，点菜亦顺理成章地交予女伴代劳。梅酒杞子藜麦麻酱沙律（$88）：沙律所选用o既蔬菜清新爽脆，以浸过梅酒o既杞子及麻酱点缀，整体惹味得黎又带份浓甜。三色扬げ出し豆腐（$158）：三件炸豆腐面上分别加上鸭肝、海胆、鳗鱼。XO仔一向怕骨，见到「鳗鱼炸豆腐」即好礼让地夹俾美女食，扮哂绅士。中间件「海胆炸豆腐」个炸豆腐幼嫩滑溜，且皮层松脆，连同顶面o既海胆食则倍感鲜美。最后方o既「鸭肝炸豆腐」则润浓甜嫩。三款炸豆腐其实都浓味得各有特色。原の味火焰卷（$148）：小弟所拍下o既相片虽然唔系太捕捉得到，但火焰卷上枱时个碟边当真仍烧著蓝蓝火光。以三文鱼包住辣辣吞拿鱼碎卷o既原の味火焰卷柔软带脆，鱼鲜味浓厚之余，当中o既辣劲亦极为醒神讨好。48小时慢煮雪花牛小排（$248）：肉质呈红色o既慢煮牛排松软润泽，且好够肉香，伴上垫底o既黄姜蓉及碟上微辣o既