Asiri

营业中

休息中

今日午餐同事介绍食日本北海道野，印像中北海道都系食刺身，拉面，味噌同汤咖哩出名，今日就一于会一会呢间北海道野，睇下佢到底正唔正宗。一入铺发现老板原来系日本人，夫妻档经营一间日本料理店，𠮶种日本小店嘅感觉渗晒出嚟。我点咗一客带广烧豚肉丼， 带广呢达地方我就未去过，但呢个饭嘅烧汁，同肉味配搭得天衣无缝，饭与肉之间隔著一层生野菜，完美咁消去咗肉嘅油腻感。唯一要批评嘅地方 就系豚肉烧得比较老，所以咬口比较硬，食饱个丼饭，再饮一碗面豉汤，即刻元气大增。价钱大概一百蚊一个人，商业区午餐嘅价钱，算系正路。