走肉蔬食研究所 (已結業)

之前同朋友去咗走肉蔬食研究所食晚餐，去到每人都要点一份主菜，每份主菜都包出面嘅沙律吧。当晚嘅沙律吧有车厘茄、粟米粒、红腰豆、酸萝卜、麻辣青瓜、薯粉、沙律菜，旁边有酱汁可以自己调味。除咗前菜，出面亦有紫米露同柠檬水。鸡笼 (很得鸡 x 2) (选2: 108; 选3: $138) (蛋素)很得鸡系用腐皮包住雪条棍整成嘅素鸡脾，素鸡脾嘅外皮炸到好香脆，外皮好似炸鸡店嘅炸鸡。鸡笼附有3款酱汁同薯条，酱汁包括茄汁、蛋黄酱同芥末酱。招牌鲜茄焗猪扒饭 ($98) (蛋奶素)素猪扒系用传统豆制品整成，食落有一丝丝嘅感觉。配料有蕃茄粒同灯笼椒。我钟意佢酱汁够多，捞饭一流。黄金虾碌 ($108) (蛋素)素虾用蒟蒻整成，食落好香咸蛋黄味，不过食多2件开始觉得腻，所以多D人一齐食会比较好。旁边嘅脆片外观上好似虾片，入口即化。片皮鸭配薄饼杂菜 ($118) (五辛;可走葱)用薄饼包住素鹅同杂菜一齐食，杂菜包括有青瓜丝、红萝卜丝同洋葱丝，我最钟意甜酱嘅味道。法国纯素芝士蛋糕 (跟餐加$35)芝士蛋糕入面有一层拖肥，唔知系咪因为上菜后放得耐未食，质感较淋，冇正常芝士蛋糕咁结实。